филиал вгтрк государственная телерадиовещательная компания “Алания”

18:49 понедельник, 21 октября 2019
08 апреля, 11:27
1
5
Быцæйуаг у Кировы хъæуы зæххыты уавæр
Быцæйуаг у Кировы хъæуы зæххыты уавæр. Бæлвырддæр та – колхозы зæххыты. Хæдзарады раздæры кусджытæ разы не сты, фæзуат кооператив «Хурзæрины» у, зæгъгæ, уыцы хъуыдыимæ. Куыд дзурынц, афтæмæй зæххытæ закъонмæ гæсгæ уыдоны не сты. Хъæууон хæдзарадмæ цæстдарды специалисттæ бацархайдтой хъуыддаг раиртасыныл.

Ацы зæххытæ бахуым кæныны размæ сыл бирæ куыст уыд… Колхозы раздæры быдыртæ цы уавæры уыдысты, уымæн æвдисæн сты къамтæ. Фæлæ сæ æнæ уыдонæй дæр хъæууонхæдзарадон кооператив «Хурзæрин»-ы сæргълæууæг Байцаты Ритæ хорз хъуыды кæны. Йе мкусджытимæ сыл стыр фæдæбон фæкодтой.

Тыхсын сæ кæны, ацы аз сæ быдырты кой афоныл сæ бон бакæнын кæй нæу, уый. Хъæуы цæрджытæ сæ быдыртæм нæ уадзынц. Уæвгæ, уыдоны дæр фæнды хæдзарады 99 гектарыл кусын.

2005 азы Кировыхъæуы колхоз нымад æрцыд банкротыл. Зæххыты иу хай лæвæрд æрцыд ног арæзт хъæууонхæдзарадон кооператив «Хурзæрин»-æн. Кусын та дзы бафæндыд 11 адæймаджы. Исбонады министрадмæ ныффыстой курдиæттæ, цæмæй сæ алкæмæн дæр радих кæной зæхх фæйнæ 7 гектары. Ныр куыд рабæрæг, афтæмæй сæ курдиæттæ министрадмæ хæццæ дæр нæ баисты. Уый нæ, фæлæ ма сæ кооперативы уæнгтæ дæр не скодтой.

Мæстджын дзураг у, фæзæгъынц… Афтæ хъæуы цæрджытæ дæр. 10 сыфыл сæ хъаст ныффыстой УФ-йы президентмæ. Сæ ныхæстæм гæсгæ зæххытæм зылд нæ цæуы, растдæр зæгъгæйæ та дзы ахадгæйæ нæ пайда кæнынц. УФ-йы хъæууонхæдзарадон министрад хъуыддаг сбæрæг кæнын бахæс кодта Цæгат Ирыстоны хъæууонхæдзарадмæ цæстдарды управленийæн.

Эксперттæ куыд сбæрæг кодтой, афтæмæй зæххытыл цæуынц æмбæлгæ куыстытæ. Æнæхъуаджы сæ ничи пайда кæны. Уыцы хатдзæгтæ скодта паддзахадон Цæгат Ирыстоны хъæууонхæдзарадмæ цæстдарды управленийы инспектор дæр. Протокол бафыстой æвдисæнтæ дæр.

Бæлвырдгонд æрцыд — Байцаты Ритæйы гæххæттытæ сты закъонмæ гæсгæ конд. Къамисы уæнгтæ æппæт хатдзæгтимæ базонгæ кодтой хъастгæнджытæ æмæ хъæуы цæрджыты.

Фæлæ кæд Цæгат Ирыстоны хъæууонхæдзарадмæ цæстдарды управлени хъуыддаг сбæлвырд кодта, уæддæр ма бирæтæ йемæ разы не сты. Куыд зæгъынц, афтæмæй сæ зæххытыл дарддæр дæр тох кæндзысты.

Зыхъуаты Жаннæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: