филиал вгтрк государственная телерадиовещательная компания “Алания”

22:59 воскресенье, 17 ноября 2019
08 апреля, 17:03
4
5
Цæгат Ирыстоны сæргълæууæг йæ хъуыдытæ загъта, нæ республикæйы медицинон куыстуæттæй иуы ноггуырд сывæллоны ауæй кæнынмæ кæй хъавыдысты, уый фæдыл
Цæгат Ирыстоны сæргълæууæг Мамсыраты Таймураз йæ хъуыдытæ загъта, нæ республикæйы медицинон куыстуæттæй иуы ноггуырд сывæллоны ауæй кæнынмæ кæй хъавыдысты, уый фæдыл. Ныхас цæуы Тедеты Валентинæйыл – республикон клиникон рынчындоны арæндоны хайады сæргълæууæгыл. Ныртæккæ йæ баурæдтой барадхъахъхъæнæг оргæнты кусджытæ. Абон Цæгат Ирыстоны сæргълæууæг Мамсыраты Таймураз Хицауады сæрдар Такъоты Сергейæн бахæс кодта, цæмæй хæстæгдæр рæстæг хъуыддаг кæронмæ бæлвырдгонд æрцæуа, æмæ ссарой ацы фыдракæндмæ бар чи дары, уыцы бæрнон кусджыты æмæ дохтырты.

Мамсыраты Таймураз, РЦИ-Аланийы сæргълæууæг: «Нæ республикæйы мах арæх фæдзурæм, æз мæхæдæг дæр мæ ныстуаны дзырдтон, нæ сывæллæттимæ нæ хуыздæр кусын кæй хъæуы, уый тыххæй. Нæ къухы цыдæртæ бафтыд. Æмæ нæм ахæм æнæзæрдæмæдзæугæ хъуыддаг æрцыд. Чи зоны æмæ-иу раздæр дæр ахæм цаутæ уыди, фæлæ ныр закъонхалджытæ разындысты бæрнон адæм. Сæ ныхмæ хъæуы карздæр тох кæнын æмæ æфхæрын. Сæ куысты бынæттæй сæ исын».

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: