филиал вгтрк государственная телерадиовещательная компания “Алания”

16:05 понедельник, 21 октября 2019
08 апреля, 17:17
1
5
Дзæуджыхъæуы тагъдæххуысы станцæйы ног сæргълæууæгæй нысангонд æрцыд Хуыбаты Барис
Дзæуджыхъæуы тагъдæххуысы станцæйы ног сæргълæууæгæй нысангонд æрцыд Хуыбаты Барис. Сæйраг дохтыры хæстæ æххæстгæнæджы размæ æвæрд ис цалдæр ахсджиаг фарстайы.

Фыццаджыдæр, станцæйы кусджытæ кæй нæ фаг кæны, уый, стæй чысыл мызд. Фæлæ ныридæгæн дæр хуыздæрырдæм ивддзинæдтæ ис. Æрæджы сын сæ мызды хæстæ ног хуызы банымадтой. Æмæ уымæ гæсгæ сæ куыст фæрæвдздæр. Уымæй дарддæр, кæд раздæр шофыр æнæхъæн суткæ хаста рад, уæд ныр, ног разамынды фæрцы, сæ кусгæ бон фæкъаддæр кодтой дыууæ хатты. Иу ногдзинад та ма уый у, æмæ, амæй фæстæмæ тагъдæххуысы станцæйæн æхца фиддзæн æнæмæнг медицинон фæдзæхстады фонд. Ног финансон системæ домы бухгалтерты бæлвырд куыст, зæгъы Хуыбаты Барис. Тагъдæххуысы станцæйы ныртæккæ ис 129 дохтыры. Фæлæ дзы уæддæр, сæрмагонд ахуырад кæмæ ис, ахæм специалисттæ нæ фаг кæны. Фарста алыг кæнынæй зæрдæ æвæры Дзæуджыхъæуы администраци. Ныридæгæн бригадæты кусынц поликлиникæты, амбулаториты æмæ рынчындæтты дохтыртæ. Уæдæ активонæй сæхи фæлварынц медицинон академийы хистæркурсонтæ дæр. Кусджытæ кæй нæ фаг кæнынц, уый баст у гыццыл мыздимæ. Æххæстæй сын фараст мины дæр нæу. Фæлæ ног разамынды руаджы фарста лыггонд æрцæудзæн дыууæ мæйы `мгъуыдмæ.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: