филиал вгтрк государственная телерадиовещательная компания “Алания”

01:27 вторник, 19 ноября 2019
08 апреля, 17:25
5
5
Республикон программæ «Ирон æвзаг» æххæстгæнæгæйæ мыхуыры рацыд национ компоненты ног чингуыты æмæ методикон æрмæджыты комплект
Республикон программæ «Ирон æвзаг» æххæстгæнæгæйæ мыхуыры рацыд национ компоненты ног чингуыты æмæ методикон æрмæджыты комплект. Сæ иумæйаг тираж у 21 мины 500 экземпляры. Уыдон хæстæгдæр рæстæг æрвыст æрцæудзысты æппæт скъолатæм. Уыимæ ахуырдзаутæ чингуытæ райсдзысты лæвар.

13-æм скъолайы ирон æвзаг кæддæриддæр бæрзонд æмвæзадыл æвæрд уыдис. Уæлдайдæр та, фæстаг рæстæг ацы хъуыддагмæ цы стыр æргом здæхт цæуы, уый сывæллæттæн фадат дæтты мадæлон æвзаг æнæ къуылымпытæй ахуыр кæнынæн, зæгъынц ахуыргæнджытæ. Ныртæккæ лæмæгъ къордты ахуырдзаутæ иууылдæр æххæст сты æмбæлгæ литературæйæ.

Бигъаты Дианæ, Дзæуджыхъæуы 13-æм скъолайы директоры хæдивæг: «Мæнæн мæ бон бафиппайын у, ног чингуытæ сты тынг хъæздыг æрмæгæй, цæстуынгæ æрмæгæй дæр, ис дзы бирæ цымыдисаг нывтæ. Мæнмæ гæсгæ лæмæгъ къордтæн цы чингуытæ рауагътой, уыдон уыйбæрц хæрзхъæд сты, æмæ дзы сæ бон у тыхджын къордтæн дæр ахуыр кæнын».

Тыхджын къордтæ уал архайынц зæронд чингуытæм гæсгæ. Фæлæ ахуырады æмæ наукæйы министрады зæрдæ бавæрдтой, хæстæгдæр рæстæг уавæр кæй аивдзæн, уымæй. Ныридæгæн мыхуыры рацыд национ компоненты ног чингуыты æмæ методикон æрмæджыты комплект скъоладзаутæн. Уымæ хауынц ирон æвзаг æмæ кæсыны чингуытæ 2-æм къласæн, ирон литературæйы хрестомати 10-æм æмæ 11-æм кълæстæн, цæрæгойты æмæ зайæгойты нæмттæ æмбарынгæнæн уырыссаг-ирон-дыгурон-англисаг дзырдуæттæ, æмæ райдайæн скъолайæн ахуыргæнæн чиныг «Цæгат Ирыстоны æрдз». Æппæт чингуыты тираж у 21 мины 500 экземпляры.

Санаты Ритæ, РЦИ-Аланийы ахуырады æмæ наукæйы министрады национ ахуырады хайады хицау: «Ахуырады æмæ наукæйы министрады уынаффæмæ гæсгæ мыхуыры рацыдысты, националон регионалон компонентмæ цы предметтæ хауы, уыдонæн ахуыргæнæн чингуытæ. Ацы чингуытæ лæвар байуардзыстæм нæ республикæйы æппæт скъолатыл».

Чингуытæ сывæллæттæн æнæмæнг уыдзысты цымыдисаг. Сты æмбаргæ æвзагæй фыст, стæй дзы ис хъæздыг цæстуынгæ æрмæг. Уыимæ ма республикæйы скъолаты райсдзысты аивадон альбом «Аланийы хæзнатæ». Йæ автортæй иу, историон наукæты доктор Бзарты Руслан рауагъдады 250 экземпляры балæвар кодта ахуырады æмæ наукæйы министрадæн. Уыдон æрвыст æрцæудзысты скъолатæм.

Хъайтмазты Дзерассæйæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: