филиал вгтрк государственная телерадиовещательная компания “Алания”

01:10 вторник, 19 ноября 2019
09 апреля, 11:06
5
5
Заводскойы цæрджытæн та сног сæ рагон фарста. Хæдзæртты дон нæ цæуы, кæм цæуы, уым та хæрз чысыл
Æрдзон хорзæхæй – æнæхай. Заводскойы цæрджытæн та сног сæ рогон фарста. Хæдзæртты дон нæ цæуы, кæм цæуы, уым та хæрз чысыл. Уыимæ дзы æнæ рафыцгæйæ пайдагæнæн нæй. Ис дзы зианхæссæг буаргъæдтæ, æмæ адæмæн зыны се нæниздзинадыл. Ахæм уавæры аххосаг цы у, æмæ кæдмæ афтæ уыдзæн, уый раиртасыныл бацархайдта не сфæлдыстадон къорд.

Ацы уавæрæн Заводскойы цæрджытæ быхсынц ссæдз азæй фылдæр. Доны хæрзхъæддзинад адæймаджы æвæзрын кæны алыхуызон низтæ, ис дзы зианхæссæг буаргъæдтæ. Хæлы хæдзарон техникæ дæр. Цæрджытæ куыд зæгъынц, афтæмæй `хсæн машинæтæ иу иннæйы фæдыл нал фæкусынц. Адæм дон кърантæй рагæйдæр нал нуазынц, æнæмæнгæй йæ фæхъæуы рафыцын.

Гецъаты Зарæ, Заводскойы поселочы цæрæг: «Дон нæ бæззы. Анализ дзы систой, æмæ домæнтæн дзуапп нæ дæтты».

Фæлхасадмæ цæстдарды управленийы бæрæггæнæнтæм гæсгæ, бынæттон доны кальци ис нормæйæ дыууæ хатты фылдæр. Дзæуджыхъæуы администрацийы специалистты хъуыдымæ гæсгæ, поселокмæ дон кæцæй цæуы, уыцы куыстуаты архайд уал хъæуы бауромын.

Заводскойы æмæ горæты промышленнон районы адæм иннæтимæ абаргæйæ арæхдæр рынчын кæнынц тыджы, уыргты æмæ эндокринологон низтæй.

Дзæуджыхъæуы администрацийы зæрдæ бавæрдтой цыбыр рæстæгмæ поселокмæ ног хæтæлтæ кæй бауаддзысты, æмæ хæдзæртты дон кæй рацæудзæн, уымæй.

Горæтæй поселокмæ æртæ километры хæтæлтæ æцæгæйдæр бауагътой. Куыстытæ дæр дзы фесты, æмбæлгæ рæстæг. Фæлæ, дзы уæддæр сыгъдæг, ныуазыны дон цыдæр аххосæгтæм гæсгæ нæй.

Баскаты Верæ, РЦИ-Аланийы фæлхасадмæ цæстдарды управленийы хайады хицау: «Куыстытæ фесты афоныл. Хæтæлтæ дзы ногтæ ис. Фæлæ дзы дон цæуыннæ цæуы, уый нæ зонæм. Цæттæ та кæнæм радон иск».

Хæтæлтæ ис, дон – нæй. Цас рæстæг ма ахæсдзæн ахæм уавæр. Ацы фарстæн рæстмæ дзуапп радтын никæйы бон у.

Æрмæст Дзæуджыхъæуы администрацийы фидарæй зæгъынц, мæй æмæ `рдæджы фæстæ хъуыддаг кæй сраст уыдзæн, уый. Ног дондзæуæн системæ цæмæй æнæкъуылымпыйæ куса, уый тыххæй ма дзы хъæуы техникон домæнтæ сæххæст кæнын.

Уыцы рæстæг та уал фæлхасадмæ цæстдарды специалисттæ тæрхондонмæ цæттæ кæнынц радон домæн. Заводскойы цæрджытæ та сæвзæрд уавæрæн быхсынц.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: