филиал вгтрк государственная телерадиовещательная компания “Алания”

10:31 четверг, 27 февраля 2020
13 июня, 13:30
3
5
Тыхджын уарынтæ тынг фæбæрæг сты нæ республикæйы зæхкусджыты архайдыл
Тыхджын уарынтæ тынг фæбæрæг сты нæ республикæйы зæхкусджыты архайдыл
Тыхджын уарынтæ тынг фæбæрæг сты нæ республикæйы зæхкусджыты архайдыл. Тыхсынц сæ фидæны тыллæгыл. Зæгъæм, æрæджы Рахизфарсы районы æрдзон фыдбылыз хъæууон хæдзарадæн зиан æрхаста 40 милуан сомы аргъæн. Хъыгдард баййæфтой 20 фермерон хæдзарадæй фылдæр. Хъуыддаг ма къулымпы кæны, быдыртæ кæй нæ бафæдзæхстой, уый дæр.
Тыхджын уарынты фæстиуджытæ æппæтæй тынгдæр фæбæрæг сты Цæлык æмæ Заманхъулы быдыртыл. Ранæй-рæтты доны æмвæзад схызт 1 метры бæрзæндмæ. Зæххы нал баззадысты хъацæнтæ æмæ æндæр хъæугæ фæрæзтæ. Ныртæккæ районы разамынд нымайы зианы аргъ. Æмтгæй райсгæйæ 1 мин 300 гектары сты хъыгдард.
Туаты Зелимхан, Рахизфарсы районы администрацийы хъæууон хæдзарады хайады специалист: «Ныр цы фæзуаты лæууæм, уый у 300 гектары, уымæй зиан хаст æрцыд 90 гектарæн. Æмæ сæ куы банымайæм, уæд бирæ æхца у, фæлæ йæ нæ бон нæ бацис бахъахъхъæнын».
Ныртæккæ фермертæ æрдзон фыдбылызы фæстиуджытæ иуварс кæндзысты хи хъарутæй. Рагацау сæ быдыртæ кæй нæ бафæдзæхстой, уый тыххæй сæ паддзахадон æххуысмæ æнхъæлмæ кæсын нæ хъæуы. Сæ зæрдæ дарынц, хъалонты бæрц кæй фæкъаддæр кæндзысты, ууыл. Гæнæн ис, æмæ фермерты æфтиаг сæ хæрдзтæй кæй фæфылдæр уыдзысты.
Афтæмæй зианы аргъ фæбæрæг уыдзæн фидæны азыл дæр. Зæххы иу гектар байтауыны аргъ сысты 35 мин сомы онг. Хи хъарутæй архайын ныртæккæ фермертæн зын уыдзæн, æмæ сæ зæрдæ дарынц, паддзахад йе вæрæн кæй бахæсдзæн, цæмæй хъæууон хæдзарады къабæзтæй иу, зæххы куыст ма фæкъухцы уа.
Аграрон æмгъуыдмæ гæсгæ ныртæккæ хъæууон хæдзарады быдырты ницыуал ис байтауын, фæлæ фермерты хъæуы бацархайын, фидæны тыллæгæн мæр бацæттæ кæныныл. Уыцы куыст дæр домы хæрдзтæ, æнæ уымæй та фидæны ацы куыст пайда нал уыдзæн.
Моргуаты Ладæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: