филиал вгтрк государственная телерадиовещательная компания “Алания”

13:29 среда, 27 мая 2020
13 июня, 15:24
15
5
Цæгат Ирыстоны æххæст кæнын райдыдтой «Профессионалон стажировкæйы» проект
Цæгат Ирыстоны æххæст кæнын райдыдтой «Профессионалон стажировкæйы» проект
Цæгат Ирыстоны æххæст кæнын райдыдтой «Профессионалон стажировкæйы» проект. Уый æрыгон лæппутæн æмæ чызджытæн фадат ратдзæн сæ зонындзинæдтæ практикон æгъдауæй сфидар кæнынæн. Ныры онг ацы программæйы архайын райдыдтой нæ республикæйы 4 егъау куыстуаты: Бавария, Гутичер, Дюбуа æмæ Электроцинк. Куыд дзы ахуыр кæнынц æрыгон специалистты, уый тыххæй радзурдзæн Касаты Наирæ.
Хæдзары дзаумæттæй æппæты зындæр аразын у бандон. Алы сантиметр æмæ фæзилæндæр хъуамæ дзуапп дæтта ортопедон нормæтæн. Карен Бабаян йæ цæст дары стыр ныфсытæ цы куыстуатыл дары, уым архайдт куыд цæуы, уымæ. Нырма 2 мæйы йеддæмæ нæ кусынц, фæлæ сæм ныридæгæн ис бирæ заказтæ. Карен бирæвæрысыг техникум каст фæуыны фæстæ байгом кодта йæхимебель аразæн цех.
Куыд иннæ фæсивæд, афтæ Карен дæр бирæ рæстæг йæхицæн агуырдта æрмæст æхца кæм куса, ахæм нæ, фæлæ ма йæ зæрдæмæ чи цæуа, ахæм дæсныйад. Æрлæууыди техникумыл. Æмæ нæ фæфæсмон кодта. Йæ къухæй цæуы хъæрзхъæд хъæддзаума. Къухдæсныйы хъуыдымæ гæсгæ, зонындзинæдтæ хъæуынц уый тыххæй, æмæ сæ дарддæр дæттай. Йемæ фæллой кæнынц студенттæ дæр. Æрыгон адæймаг зæгъы, ахæм æнтыстдлзинæдты сусæгдзинад у, йæ рæстæджы стажировкæ «Рокос-ы кæй кодта, уый. Ныр та йæ зонындзинæдтæ дæтты студæнттæн.
Хъæддзаумайы фабрикæ «Рокос» базарады ис 25 азы. 7 азы размæ та фабрикæ бадзырд бафыста ахуыргæнæндæттимæ. Ныр фæсивæд ам сæхи фæлварынц немыцаг æмæ итайлаг кусæнгæрзтыл архайынæй.
Нæ республикæйы хъыгагæн фæсивæд ахуырмæ фылдæр сæ ных саразынц юридикон æмæ экономикон факультеттæм. хъæддзаумайы технологтæ та зæгъæн ис, æмæ цæттæ кæнæм нæхæдæг. Хæххон Металлургон институтимæ активон æмгуыстад цæуы 2011-æм азæй нырмæ.
Компанийы хорз экономикон уавæртæ æмæ традицитæ фæсивæдæн гом кæнынц фидæнмæ фæндæгтæ. Стажировкæ кæнгæйæ йæхи хорз чи равдиса, уыдон æнæмæнгæй куысты баззайдзысты ам.
Кусæг дæсныйæдты ахадындзинад фæстаг рæстæг фæсивæды хсæн кæны парахат. Уыимæ куысдæттæг агуыры фæлтæрдджын кусджыты. Практикæ куыд амоны, афтæмæй фæсивæды тырнындзинад фидæны расайы профессионалон кадртæм. Сæйрагдæр у, æрыгон фæлтæрæн уавæртæ æмæ фадæттæ саразын.

Касаты Наирæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: