филиал вгтрк государственная телерадиовещательная компания “Алания”

19:05 суббота, 07 декабря 2019
14 сентября, 14:05
3
5
Ацы аз Уæрæсейы æппæт скъолаты райдыдтой ног предметтæ ахуыр кæнын
Ацы аз Уæрæсейы æппæт скъолаты райдыдтой ног предметтæ ахуыр кæнын
Ацы аз Уæрæсейы æппæт скъолаты райдыдтой ног предметтæ ахуыр кæнын. Астрономи, финансон ахуырады бындуртæ, бинонтæ дарыны æгъдæуттæ, шахмæттæ, æмæ æндæртæ. Уыимæ иутæ хаст æрцыдысты бындурон фæткмæ, иннæ тæ — уæлæмхасæнмæ. Не сфæлдыстадон къорд бабæрæг кодта Дзæуджыхъæуы цалдæр скъолайы, æмæ федта, ног предметтæ скъолдзауты зæрдæмæ цæуынц, æви нæ. Бæлвырддæр радзурдзæн Хъайтмазты Дзерассæ. Планетæтæ, сæ арæзтад, сæ равзæрд. Стъалыгуппармæ гæсгæ цы сбæрæг кæнын ис. 10 къласы ахуырдзаутæ цымыдисæй хъусынц ахуыргæнæгмæ. Сывæллæттæ куыд зæгъынц, афтæмæй астрономи ахæм ахсджиаг наукæ у, уый æнхъæл нæ уыдысты.
Ног ахуыры аз æппæт бæстæйы дæр райдыдтой ног предметтæ ахуыр кæнын. 26-æм скъолайы астрономи 2-аг аз ахуыр кæнынц. Ахуыргæнæндон фæлварæн проекты се ‘ппæтæй раздæр архайдта.
Скъолаты æнæмæнг райдайдзысты шахмæттæ дæр ахуыр кæнын. Интеллекуалон хъазты сусæгдзинæдтæ амондзысты райдайæн кълæсты ахуырдзаутæн. Сывæллæттæн уый сæ зæрдæмæ цæуы. Бирæтæ куыд загътой, афтæмæй раздæр дæр зыдтой шахмæттæй хъазын.
Ног предметты номхыгъды ма сты – финансон ахуырдзинад, амалхъомдзинады бындуртæ, бинонтæ дарыны предмет. Фæлæ сæйраг ахуырадон программæйы нæ уыдзысты.
Æппæтæй цымыдисагдæр æхсæнадмæ кæсы нырма бинонтæ дарыны предмет. Ахуырады министрады куыд зæгъынц, афтæмæй ацы дисциплинæ скъолаты уыд советон дуджы, æмæ хуынди «бинонты царды этикæ æмæ психологи». Специалисттæ зæгъынц, ацы курс цæттæ кодтой, Цæгат Ирыстон кавказаг республикæ кæй у, уый хынцгæйæ.
Хъайтмазты Дзерассæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: