филиал вгтрк государственная телерадиовещательная компания “Алания”

16:12 понедельник, 25 мая 2020
12 февраля, 11:58
14
5
Дзæуджыхъæуы арæзт æрцыд донорты акци «Бахъахъхъæн лейкозæй рынчын сывæллоны цард»
Дзæуджыхъæуы арæзт æрцыд донорты акци «Бахъахъхъæн лейкозæй рынчын сывæллоны цард»
Дзæуджыхъæуы арæзт æрцыд донорты акци «Бахъахъхъæн лейкозæй рынчын сывæллоны цард». Ныр æй 3-аг аз аразы хæрзаудæн фонд «Быть добру». Абон Уæрæсейы реестры Цæгат Ирыстонæй донорты нымæц у 450 адæймаджы. Уыдон æнæвгъауæй æххуыс кæнынц лейкозæй рынчынтæн. Хæрзаудæн акци цæудзæн тугдæттæн станцæйы 23-æм февральмæ.
Лейкозæй рынчын сывæллæттæн сæ цард аирвæзын кæнын. Ахæм нысанимæ Цæгат Ирыстоны тугдæттæн станцæйы арæзт æрцыд хæрзаудæн акци. Алкæмæндæр йæ бон туг раттын уыдзæн 23-æм февральмæ. Уæвгæ та йыл бакуыста хæрзаудæн фонд «Быть добру», æмæ йæ аразы ныр æртыккаг аз, проект «Кавказы донор» æххæст кæнгæйæ.
Чи хъæуы, уыцы доноры куы ссарай, уæд уый тынг æххуыс фæуыдзæн лейкоз дзæбæх кæныны хъуыддаджы. Уымæй дарддæр ма онкологон æмæ æндæр низты ныхмæ тох кæныны. Ныртæккæ уæрæсейаг реестры Цæгат Ирыстонæй ис стæджы магъзы 450 фидæны доноры.
Хæрзаудæн фонды разамонæг куыд зæгъы, афтæмæй ахсджиаг у, цæмæй, куыд гæнæн ис, афтæ фылдæр адæм архайой ахæм акциты. Уæлдайдæр та Цæгат Кавказы. Куы бахъæуа, уæд доноры ссарæн уыдзæн дзæвгар раздæр. Ныртæккæ, цæмæй донор ссарай, уый тыххæй фæсарæнтæм курдиат арвитынæн бахъæудзæн 20 мин евройы. Фæлæ уыдон бафидгæйæ дæр, хъуыддаг рауайдзæн, æви нæ, уый зын зæгъæн вæййы. Чи зоны æмæ доноры уæвгæ дæр не ссардзысты. Уымæн ахсджиаг у ахæм куыст нæ бæстæйы кæнын.
Фидараты Маринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: