филиал вгтрк государственная телерадиовещательная компания “Алания”

18:02 понедельник, 25 мая 2020
21 февраля, 12:02
32
5
Куыд ма уын æй хъусын кодтам, афтæмæй Уæрæсейы ацы аз нысангонд æрцыд театры афæдзыл
Куыд ма уын æй хъусын кодтам, афтæмæй Уæрæсейы ацы аз нысангонд æрцыд театры афæдзыл

Куыд ма уын æй хъусын
кодтам, афтæмæй Уæрæсейы ацы аз нысангонд æрцыд театры афæдзыл. Цæгат Ирыстоны
дæр йæ бартæ райста. Театры азы кадæн рæсугъд æмæ зæрдæмæдзæугæ
литературон-музыкалон изæр арæзт æрцыд Дзæуджыхъæуы центрон библиотекæйы.
Кадджын уазджыты хсæн уыдысты Тæбæхсæуты Балойы номыл Ирон æмæ Евгений
Вахтанговы номыл Уырыссаг академион театрты артисттæ. Куыд сыл сæмбæлдысты
аивадуарзджытæ, уый тыххæй радзурдзæн Фидараты Маринæ.

 

Театры аз йæ барты бацыд. Дзæуджыхъæуы
центрон библиотекæйы уый фæдыл арæзт æрцыд литературон-музыкалон фембæлд.
Кадджын уазджыты хсæн Ирон æмæ Уырыссаг академион театрты артисттæ. Уыимæ алы
аивадуарзæгæн дæр уарзон чи у, ахæмтæ.

Театралон хъæлдзæг мысинæгтæ,
æмдзæвгæтæ, арфæтæ. Легенадрон актертæн раарфæ кæнынмæ æрбацыдысты се рыгон æмкусджытæ
— аивæдты факультетты студенттæ. Уæвгæ, адæймагмæ афтæ фæкæсы, æмæ цыфæнды бæрæгбон
хъуамæ артисттæ лæвар кæной, фæлæ ацы хатт зæрдæбын ныхæсты аккаг уыдысты,
театралон сценæйæн рагæй æмæ зæрдиагæй чи лæггад кæны, уыдон.

Театрдзауты уарзондзинад,
сценæ, къухæмдзæгъд. Æмæ афтæ иу бон ивы иннæйы. Уæлдайдæр та ацы аз. Уæрæсейы
театры афæдз раивта бархионты аз. Ирыстойнаг актертæ æнхъæлмæ кæсынц ног
премьерæтæм, ног нæмттæм, æмæ, кæй зæгъын æй хъæуы, æмбæлгæ æххуысмæ дæр.

Бæрæгбоны изæр Дзæуджыхъæуы
центрон библиотекæйы уыд фыццаг мадзал, театры азимæ баст. Уæвгæ та афæдзы дæргъы
библиотекæйы æппæт филиалты нысан кæнынц артисттимæ фембæлдтытæ аразын, æмæ сын
сæ аивадæн аргъ кæнын. Ахæм литературон-аивадон изæртæм хонынц се ппæты дæр.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: