филиал вгтрк государственная телерадиовещательная компания “Алания”

22:52 понедельник, 01 июня 2020
12 марта, 17:05
67
5
Республикæйы цæрджыты хорздзинадыл, федералон программæты архайдыл æмæ хи æфтиæгтæ фæфылдæр кæныныл абон Парламентмæ йе рвылазон ныстуаны раныхас кодта Цæгат Ирыстоны сæргълæуу&#23
Республикæйы цæрджыты хорздзинадыл, федералон программæты архайдыл æмæ хи æфтиæгтæ фæфылдæр кæныныл абон Парламентмæ йе рвылазон ныстуаны раныхас кодта Цæгат Ирыстоны сæргълæуу&#23
Республикæйы цæрджыты хорздзинадыл, федералон программæты архайдыл æмæ хи æфтиæгтæ фæфылдæр кæныныл абон Парламентмæ йе рвылазон ныстуаны раныхас кодта Цæгат Ирыстоны сæргълæууæг Битарты Вячеслав. Стыр æргом дзы аздæхта 2018-æм азы республикæйы хицауады куысты хатдзæгтæм, стæй æрныхас кодта 2019-æм азы социалон-экономикон рæзты нысантыл. Республикæйы разамонæджы ныстуанмæ лæмбынæг байхъуыста Моргуаты Ладæ дæр, æмæ йын ныхасы бар.
Парламенты 22 -æм æмбырды Цæгат Ирыстоны сæргълæууæг Битарты Вячеслав йæ æрвылазон сидты фæнысан кодта, сæйраг фарстатæй иу кæй у адæмы царды уавæртæ фæхуыздæр кæнын. Æмæ уый къуыхы æфты. 2016-æм азæй бантыст бюджет снывыл кæнын. 2018-æм азы та æнæхъæнæй æхгæд æрцыдысты социалон фиддонтæ. Стæй сарæзтой 44 социалон объектты.
Йæ раныхасы Битарты Вячеслав бафиппайдта ивгъуыд аз 550 бинонтæн кæй фæхуыздæр кодтой сæ царды уавæртæ. Кæлæтдзаг хæдзæрттæй раивтой 196 бинонтæ, Сæхи цæрæнуат фæзынд 60 сидзæрæн, æмтгæй та 4 мин 307 адæймаджы фæхуыздæр кодтой сæ царды уавæртæ.
Ныртæккæ республикæ архайы æнæниздзинад хъахъхъæнынады 7 национ проекты. Сæ иумæйаг аргъ у 1 милиард сомы. Рацарæзтой Æрыдоны рынчындон, онкологн диспансер, хæстæгдæр бонты эксплуатацийы лæвæрд æрцæудзæн тарнизы рынчындоны ног корпус дæр.
Æнæниздзинады объекттæй фæсæтæм цалцæгæ æмæ арæзт цæуынц спортивон объекттæ дæр. Уимæ республикæйы цы спортивон мадзæлттæ сарæзтой, уыдоны æмвæзад кæны бæрзонддæр. Ныртæккæ дæр спортивон галуан манежы цæуы 39 бæстæйы æвзонг боксерты турнир. Не мзæххонты æнтыстдзинад алы ерысты у стыр, Афтæ фарон рамбылдтой 1000 майданæй фылдæр. Битарты Вячеслав ма фæнысан кодта паралимпаг спортсменты хъомыс дæр æмæ загъта, кæй сын хъæуы уавæртæ аразын. Уимæ чемпионты хъомыл кæнгæйæ хъæуы ахуырадмæ дæр æргом хдахын. Ныртæккæ нæ республикæйы кусы «Ахуырады райрæзты» регионалон программæ. Йæ фæлгæты арæзт цæуынц скъолатæ, рæвдауæндæттæ. Уæлмхасæн ахуырадæн республикæ радих кодта 160 милуан сомыТагъд скусдзæн планетарий æмæ йæ фарсмæ та сараздзысты космонавтикæйы скъола.
Ахуырады фарстатæ комкоммæ баст сты культурæимæ. Ацы аз театры афæдзы фæлгæты арæзт цæудзысты театримæ баст мадзæлттæ. Хъомыладон фарстаты стыр ахадындзинад ис музейæн дæр. Ацы аз фæуыдзæн национ музейы цалцæг æмæ ифтонг. Республикæйы сæргълæууæг ма фæнысан кодта фæсивæды архайд республикæйы царды. Курдиатджын сывæллæттæн æххуыс кæнын у республикæйы разамынды фарстатæй иу, загъта Битарты Вячеслав. Ноджы ма йæ æргом аздæхта хохы чи цæры, уыдонæн царды уавæртæ аразын. Фарон газ бауагътой Унал æмæ Фыййагдоны цæрджытæм, ацы аз нысан кæнынц Дыгургомы. Фæлæ æрдзон хорзæх фыццаг фæзындзæн Дзинагайы æмæ хæстæг хъæуты Уæллаг комы цæрджыты та уал хъæудзæн банхъæлмæ кæсын.
Дæрдзæф æмæ хохаг хъæуты цард сног кæнын. Ацы фарстамæ дæр йæ æргом аздæхта Битарты Вячеслав. Уый тыххæй арæзт æрцыд программæ.
Æмæ йæ сæххæст кæнынæн хъæуы фыццаджыдæр фæндæгтæ саразын.
Хи продукцийæ хи дарын, уый у нысантæй иу, уымæ гæсгæ ахсджиаг у хъæууон хæдзарады къабазы райрæзт. Уимæ хохы æмæ быдыры хæр. Ныртæккæ цы программæтæ арæзт æрцыд, уыдонмæ гæсгæ фылдæр кæны стурвосы нымæц. Фарон фæфылдæр хоры тыллæг. Кæсаджы, дыргъты æмæ халсарты куыст. Йæ раныхасы Битарты Вячеслав радзырдта кæй хъæуы хи фермерон хæдзарæдтæ фылдæр кæнын.
Ныхас цыд нырыккон царды ахсджиаг бынат цы информацион технологитæ æрцахстой уыдоныл. Республикæйы цæрджытæ сæ парахатæй пайда кæнынц.
Адæмы царды хæрзхъæддзинад фæбæрзонддæр кæнын, уый у ахсджиаг социалон-экономикон фарста. Уыдонмæ хауы комуналон хæдзарад дæр. Республикæйы сæргълæууæджы раныхасы загълд уыд, куыст кæй цæуы доны хæрзхъæддзинадыл. Ивд цæуынц доны хæтæлтæ. Зæгъæм, цæмæй Алагиры районы доны хызæг баивой, уый тыххæй хъæуы 1 милиард сомы, фæлæ æпæт фарстатæ æмдыхæй иумæ лыггонд куы цæуой, уæд царды уавæртæ рæвдздæр фæхуыздæр уыдзысты.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: