филиал вгтрк государственная телерадиовещательная компания “Алания”

22:15 понедельник, 01 июня 2020
13 марта, 11:45
14
5
Хуссар æмæ Цæгат Кавказы федералон зылдты республикæты хсæн Цæгат Ирыстон у иунæг регион, профессионалон цæттæдзинады центр кæм байгом кæндзысты
Хуссар æмæ Цæгат Кавказы федералон зылдты республикæты хсæн Цæгат Ирыстон у иунæг регион, профессионалон цæттæдзинады центр кæм байгом кæндзысты
Хуссар æмæ Цæгат Кавказы федералон зылдты республикæты хсæн Цæгат Ирыстон у иунæг регион, профессионалон цæттæдзинады центр кæм байгом кæндзысты. Уый фæсивæдæн фадат ратдзæн 25 уæлæмхасæн дæсныйады исынæн. Центр байгом кæнынæн федералон бюджетæй радих кодтой 55 милуан сомы. Фæрæзты иу хай ма райсдзысты республикон бюджетæй. Профессионалон цæттæдзинады центр йæ дуæрттæ байгом кæндзæн 2020-æм азы.
Ахуыр кæнынмæ бæллын. Уый у, машинæты техникон лæггæдты центрмæ сæ фæлтæрддзинадыл бафтауынмæ чи рбацæуы, уыцы æрыгон лæппуты сæйраг нысан. Ам сæм зæрдиагæй фенхъæлмæ кæсынц, кæд æмæ сæ хатгай, техникум каст фæуыны фæстæ ногæй ахуыр кæныны фæхъæуы, уæддæр.
Арæзтадон техникумы автомеханикон факультеты дыккæгæм курсы студент Хъуысаты Алан йæхицæн рагæй сынсан кодта ацы дæсныйад. Фæлæ йæ мбары, цы зонындзинæдтæ æмæ йæ фæлтæрддзинад хъæуы, уый астæуккаг ахуыргæнæндоны æххæстæй нæ райсдзæн. Хъæудзæн æй дарддæр ахуыр кæнын.
Актуалон зонындзинæдтæй спайда кæнæн ис практикæйы дæр. Арæзтадон техникумы байгом уыдзæн профессионалон цæттæдзинады центр. Ам ахуыр кæныны æмæ кусыны фадат уыдзæн, сæ квалификаци фæбæрзонддæр кæнын æмæ фæлтæрддзинадыл бафтауын кæй фæнды, уыдонæн.
Техникумы директор Гуыриаты Георгий равдыста аудиторитæ. Ам рæхджы сæвæрдзысты æмбæлгæ кусæнгæрзтæ. Зæгъæм, фидæны механиктæн зæронд агрегатты бæсты фæзындзысты рог машинæ Лада Вестæйы нырыккон ивæн хæйттæ. Æдæппæтæй центры ахуыр кæндзысты 25 уæлæмхасæн дæсныйадыл.
Æппæт ацы хъуыддæгтæ къухы бафтыдысты гранты фæрæзты фæрцы. Ног центрæн субсидитæ техникум рамбылдта фарон, программæ «Æрыгон профессионалтæ — фидæны кадртæ»-йы архайгæйæ.
Хуссар æмæ Цæгат Кавказы федералон зылдты республикæты хсæн Цæгат Ирыстон у иунæг, ахæм профессионалон цæттæдзинады центр байгом кæныны фадат кæмæн фæзынд. Йæ байгом кæнынæн федералон бюджетæй радих кодтой 55 милуан сомы. Фæрæзты иу хай ма райсдзысты республикон бюджетæй æмæ хи чысыл компанитæй. Республикæйы ахуырады æмæ наукæйы министрады экспертты хъуыдымæ гæсгæ центр йæ дуæрттæ байгом кæндзæн 2020-æм азы.
Фидараты Маринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: