филиал вгтрк государственная телерадиовещательная компания “Алания”

04:45 вторник, 22 октября 2019
15 мая, 17:00
1
5
Абон нæ республикæйы бæрæг кæнынц Ирон æвзаг æмæ литературæйы бон
Абон нæ республикæйы бæрæг кæнынц Ирон æвзаг æмæ литературæйы бон. Æрвылазон традицимæ гæсгæ райдыдта Ирон аргъуаны пантеоны, Хетæгкаты Къостайы ингæны цур. Уæвгæ та бæрæгбоны мадзæлттæ цæуынц æнæхъæн бон. Уыимæ, куыд Дзæуджыхъæуы, афтæ республикæйы æппæт районты дæр. Ацы сахат ирхæфсæн программæ фенæн ис Къостайы номыл культурæйы æмæ фæлладуадзæн парчы. Сæйрагдæр æмæ рæсугъддæр мадзал та — нæртон симд. Бæрæгбоны тыххæй бæлвырддæр радзурдзæн Фидараты Маринæ.
Ирон литературон æвзаджы бындурæвæрæг Хетæгкаты Къостайы цыртдзæвæныл, æгъдаумæ гæсгæ дидинджытæ æмæ веноктæ. Бакастысты æмдзæвгæтæ. Уæвгæ, ирон æвзаджы æмæ литературæйы бон бæрæг кæнын райдыдтой 2003-æм азы. Баст у историон цауимæ. Ацы бон 1899-æм азы мыхуыры рацыд Къостайы чиныг «Ирон фандыр». Абоны бæрæгбоны мадзæлтты архайдтой республикæйы сæргълæууæг Битарты Вячеслав, парламенты æмæ хицауады уæнгтæ, æхсæнадон организациты минæвæрттæ, фысджытæ æмæ скъоладзаутæ.
Бæрæгбонмæ бацæттæ кодтой цымыдисаг ирхæфсæн программæ. Боны дæргъы цæуынц конкурстæ, викторинæтæ, концерттæ, фысджытимæ фембæлдтытæ æмæ равдыстытæ. Ахуырады æмæ наукæйы министрады кады гæххæттытæй схорзæхджын кодтой ирон æвзаг æмæ литературæйæ олимпиадæйæ республикон къæпхæны уæлахиздзауты скъоладзауты хсæн. Стæй ма конкурстæ «Ирон аив дзырды дæсны» æмæ «Иры фидæн»-ы уæлахиздзауты.
Сертификаттæ радтой, Абайты Васойы æмæ Плиты Грисы номыл паддзахадон республикон стипендиты аккаг чи сси, уыдонæн дæр. Абон ма сбæрæг сты æрвылазон республикон преми «Мæ уарзон Ирыстон»-ы уæлахиздзаутæ дæр, ирон æвзагыл чи фыссы, уыцы журналистты хсæн. Уыдон систы газет «Дигора»-йы сæйраг редактор Сакъиты Эльбрус, не мкусæг, культурæйы сгуыхт кусæг Къадзаты Станислав æмæ информацион портал 15-æм регионы уацхæссæг Елхъанаты Екатеринæ. Конкурс арæзт æрцыд ирон адæмы иудзинад æмæ дзыллон информацион фæрæзтæ æмархайд фидардæр кæныны тыххæй. Премийы бæрц у 50 мин сомы.
Ныртæккæ дæр ма ирон æвзаджы кадæн мадзæлттæ сты сæ тæмæны. Бæрæгбоны программæ фенæн ис Хетæгкаты Къостайы номыл культурæйы æмæ фæлладуадзæн парчы æмæ сабырдзинады проспекты.
Фидараты Маринæ

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: