филиал вгтрк государственная телерадиовещательная компания “Алания”

01:03 четверг, 21 ноября 2019
31 мая, 17:20
13
5
Куыд ма хъусын кодтам, афтæмæй Дзæуджыхъæуы райдыдта фыццаг æппæтадæмон фестиваль «Кинобарс»
Куыд ма хъусын кодтам, афтæмæй Дзæуджыхъæуы райдыдта фыццаг æппæтадæмон фестиваль «Кинобарс».
Фестиваль байгом кæныны кадджын церемони райдыдта знон 19 сахатыл Тæбæхсæуты Балойы номыл Ирон академион театры. Сырх гауызыл рацыдысты Рамиль Сабитов, Сергей Горобченко, Игорь Степанов æмæ æндæр зындгонд уæрæсейаг актертæ, режиссертæ, сценаристтæ. Театры фæзы цагъта Суанты Кимы номыл национ эстрадон оркестр. Фестивалы архайджытæн æмæ уазджытæн сарæзтой концертон программæ дæр. Фæстæдæр сын равдыстой ливайнаг режиссер НадИн ЛабАкийы киноныв «Капернаум». У цалдæр æппæтадæмон премийы номинант. Кинофестивалы программæйы æдæппæтæй ис 19 кинолентæйы. Се ппæт дæр систы алыхуызон конкурсты лауреаттæ.
Фестивалы архайджытæм абон æнхъæлмæ кастысты аивады хъуыстгонд архайджыты лекцитæ æмæ дæсныйадæвдисæг ахуыртæ. Сæ фембæлд арæзт æрцыд Цæгат Ирыстоны паддзахадон университеты физикон-техникон факультеты. Нырыккон киноаивады сусæгдзинæдтыл ныхас кодтой Вазген Каграманян, Леонид Пляскин, Тимур Ефременков, Дыгъуызты Алан æмæ Игорь Степанов. Аивадуарзджытæ сæм лæвæрдтой фæрстытæ, æмæ сын истой бæлвырд дзуæппытæ.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: