филиал вгтрк государственная телерадиовещательная компания “Алания”

04:19 пятница, 06 декабря 2019
04 декабря, 11:31
6
5
Адырхаты Светланæйæн кадгæнæн изæр арæзт æрцыд оперæ æмæ балеты паддзахадон театры
Адырхаты Светланæйæн кадгæнæн изæр арæзт æрцыд оперæ æмæ балеты паддзахадон театры

Гала-концерты архайдтой йæ ахуыргæнинæгтæ — Стыр театры артисттæ Екатерина Крысанова, Анастасия Сташкевич, Вячеслав Лопатин, Артур Мкртчян æмæ иннæтæ. Советон Цæдисы адæмон артисткæ, Паддзахадон академион Стыр театры балетмейстер æмæ репетитор, балетон къорды аивадон советы уæнг, нæ зындгонд æмзæххон Адырхаты Светланæ ацы аз бæрæг кæны йæ юбилей. Ай размæ Стыр театры йæ кадæн æнтыстджынæй ацыд гала-концерт. Ныр та йын кад кодтой йæ райгуырæн Ирыстоны.

Йæ рацыды размæ дæр адæмы къухæмдзæгъдæн кæрон нæ вæййы. Адырхаты Светланæйыл айвадуарзджытæ æмбæлынц лæугæйæ. Дунеон аивад æмæ культурæмæ æгæрон æвæрæн чи бахаста, уыцы хъуыстгонд балеринайæн куыд æдзух, афтæ ныр дæр йæ цæсгомыл мидбылхуд. Оперæ æмæ балеты театры сценæйыл Стыр театры стъалытæ, Адырхаты Светланæйы хъомылгæнинæгтæ. Бирæтæ йæ хонын се сфæлдыстадон мад. Екатерина Крысанова кафы Кæддæр Светланæ цы уацмысы æрттывта, уымæй скъуыддзаг.

Екатерина Крысанова, Стыр театры прима-балеринæ: «Йæ зæрдæйы алкæмæн дæр ис хицæн бынат. Мæн бирæ хъуыддæгтæ бæттынц Светланæимæ. Театры дæн 11-æм сезон, æмæ æдзухдæр вæййæм иумæ. Мæ къухы цы æнтыстдзинæдтæ бафтыд нырмæ, уыдон иууылдæр Светланæйы фæрцы. Æгæрон буныг дзы дæн. Мæ дæсныйады мын мæхи ссарынæн баххуыс кодта тынг».

Нæ зындгонд æмзæххоны хъомылгæнинæгты нæмттæ зонгæ сты æппæтдунейы аивадуарзджытæн. Светланæ мæ та ис бæллиц. Фæнды йæ балеты скъола йæ райгуырæн Ирыстоны дæр куыд фæзына, уый.

Æрæджы йын йæ юбилей сбæрæг кодтой Стыр театры. Ныр та ахæм лæвар скодтой Ирыстоны цæрджытæн. Программæйы уыдысты хуыздæр балетон спектакльтæй скъуыддзæгтæ.

Хæбæлаты Фатимæ, РЦИ-Аланийы культурæйы æмæ дзыллон коммуникациты министр: «Адырхаты Светланæйы цард æмæ сфæлдыстад сты тынг цымыдисаг. Сывæллон ма куы уыди, уæддæр барæг уыд аивадмæ йæм æрдзæй лæвæр курдиат кæй ис, уый. Фæсæтæд йæ райгуырæн Хуымæллæгæй абалц кодта Мæскуымæ. Æмæ дзæгъæлы нæ. Цыбыр рæстæгмæ йæ кой айхъуысын кодта дунейы».

Светланæйы кадæн изæрмæ чи æрбацыд, уыдоны цымыдисдзинадæн кæрон нæ уыди. Концерт нымад æрцыд республикæйы егъау культурон цау. Ахуыргæнæгæн йæ стырдæр лæвар у йæ хъомылгæнинæгты æнтыстдзинад. Ацы изæр дзы бирæтæ систы Цæгат Ирыстоны адæмон æмæ сгуыхт артисттæ. Хуссар Ирыстон та Адырхаты Светланæйы схорзæхджын кодта «Кады орденæй».

Концертмæ хуынд адæм ма Светланæйы залæй бирæ нæ уагътой. Бузныг дзы уыдысты ахæм æхсызгон фембæлды тыххæй.

Касаты Наира

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: