филиал вгтрк государственная телерадиовещательная компания “Алания”

10:25 четверг, 09 апреля 2020
06 июня, 11:34
4
5
5-æм июны республикæйы уыди æппæтадæмон зиу
5-æм июны республикæйы уыди æппæтадæмон зиу
Ведомствæты кусджытæ рацыдысты æфснайынмæ. Се вæрæн æм бахастой волонтертæ дæр. Зиу арæзт æрцыди æрдзхъахъхъæныны 4-æм æппæтуæрæсеон съезды цы уынаффæ рахастой, уымæ гæсгæ. Ныр ахæм акцитæ суыдзысты æрвылазон.

Къадзаты Ольгæ у Цæгат Ирыстоны паддзахадон университеты географи æмæ геоэкологийы факультеты 3-æм курсы студенткæ. Волонтæры куысты фæндон ын куы бахастой, уæд уайтагъд сразы.

Волонтертимæ иумæ доны станцæмæ ввахс «кæрдæгхуыз» театры алыварс бафснайдтой Цæгат Ирыстоны экологон исæнуаты æхсæнадон регионалон хайады минæвæрттæ. Уый у сæ фыццаг акци, организаци фæзынц мæйы размæ.

«Сапицкий будка»-йы зиумæ рацыдысты монополиты ныхмæ службæйы цæгатирыстойнаг управленийы минæвæрттæ. Ведомствæйы кусджытæ куыд зæгъынц, афтæмæй дзы тынг бирæ уыди адæм сæ фæлладуадзыны фæстæ цы бырон ныууадзынц, ахæм.

Æппæтадæмон зиу арæзт цыди æппæт республикæйы дæр. Бруты та хъæуы администрацийы кусджытæ æрдзмæ цæстдарды службæимæ бафснайдтой парк æмæ Бруты суадæттæ.

Æппæтадæмон зиу арæзт æрцыди æрдзхъахъхъæныны службæйы æппæтуæрæсеон 4-æм съезды цы бадзырд бафыстой, уый æххæст кæнгæйæ. Уæд Уæрæсейы, Белоруссийы æмæ Казахстаны æрдзхъахъхъæныны службæтæ снысан кодтой 5-æм июны æппæтадæмон зиу скæнын.

5-æм июнь хуымæтæджы нæ равзæрстой. У æрдзхъахъхъæныны æппæтдунеон бон, стæй экологы бон. Ведомствæйы кусджытæ ацы акци фæнд кæнынц æрвылазон скæнын.

Фыццаг зиуы республикæйы æрæмбырд кодтой сæдæгай голджытæ бырон. Акци аразджытæ куыд зæгъынц, афтæмæй сæ хæс уыди сæхи дæнцæгыл равдисын, нæ алыварс æрдз хъахъхъæнын кæй хъæуы, уый. Æрдзон хъæздыгдзинæдтæ нæ Ирыстоны и сбирæ, æмæ сæ фидæн аразгæ у нæхицæй.

Ошибка в тексте? Выделите её и нажмите «Ctrl + Enter»

Комментарии для сайта Cackle

Сообщить об опечатке

Текст, который будет отправлен нашим редакторам: