26 марта 2020, 09:30
Фыдыбæстæ хахъхъæнджытæ. Саламты Къола
Ивгъуыд аз нымад уыд театры азыл… 2020-æм та Уæрæсейы Федерацийы Президенты Владимир Путин расидт куыд намысы æмæ номарæн азыл. Ахæм уынаффæ хаст æрцыд Фыдыбæстæйы Стыр хæсты Уæлахизы 75 азы фæдыл. Абон мах нæ равдыст нывонд кæнæм йæ стыр курдиат хæсты цæхæры чи нæ фесæфта, фæлæ ирон театры сценæйы ирд стъалыйæ чи ссыгъд ахæм хæствæллад артистæн. Хæсты фæстæ йыл театр сæмбæлд куыд хи хъæбулыл, баузæлд йыл æмæ йын уый дæр нæ фæлладысты лæггад кæнынæй. Уыцы сахъгуырд та у Ирон театры историйы сызгъæрин дамгъæтæй æнустæм фыст кæй ном æрцыд ахæм номдзыд адæймаг – Саламты Къола.
