филиал вгтрк государственная телерадиовещательная компания “Алания”

Республикæйы сæргълæууæг Битарты Вячеслав Мæкуыйы фембæлд Уæрæсейы хицауады сæрдар Дмитрий Медведевимæ. Æрдзырдтой рекреацион-туристон комплекс «Мамысон»-ы дарддæры арæзтадыл. Ныр ацы фæзуатæн уыдзæн стыр экономикон ахадындзинад. Уый фæдыл фыст æрцыд сæрмагонд уагæвæрд. Уæрæсейы хицауад рахаста уынаффæ уæлæмхасæн фæрæзтæй баххуыс кæнын. Битарты Вячеслав куыд фæнысан кодта, афтæмæй фæидæны фæлладуадзæн бынат куысты бынæттæй сифтонг кæндзæн 3 мин адæймаджы æмæ ахъаз уыдзæн экономикæйы райрæзтæн. Республикæйы сæргълæууæг ма раарфæ кодта социалон объектты арæзтад æмæ цалцæгæн уæлæмхасæн фæрæзтæ кæй радих кодтой, уый фæдыл.