Зындгонд журналист, прозаик æмæ поэт йæхи бауарзын кодта Цæгат Ирыстоны цæрджыты цалдæр фæлтæрæн
Национ наукон библиотекæйы уыдзæни Томайты Адæйы номарæн изæр. Зындгонд журналист, прозаик æмæ поэт йæхи бауарзын кодта Цæгат Ирыстоны цæрджыты цалдæр фæлтæрæн. Йæ программæтæм ын зæрдиагæй æнхъæлмæ кастысты телеуынадмæ кæсджытæ. Уымæй уæлдай Томайты Адæ у цалдæр поэтикон æмбырдгонды автор, ныффыста документалон уацмыстæ æмæ сывæллæттæн чингуытæ. Йæ номарæн изæры архайдтой йæ хæлæрттæ, æмкусджытæ, йе сфæлдыстадæн ын аргъ чи кодта, уыдон. Касаты Наирæ дарддæр.
Ирд, курдиатджын, бирæвæрсыг, адæмы уарзон, уыцы иу рæстæг алы телеуынынадмæ кæсæгæн дæр хион. Куыд дзурынц, афтæмæй йæм иу уынджы дæр адæм арæх бацыдысты, æмæ йемæ скодтой хуызист. Томайты Адæ се ппеæтмæ дæр касти мидбылхудгæ. Йæхæдæг куыд дзырта, афтæмæй йæ куысты сæйрагдæрыл нымадта макæйы зæрдæхуыдты бацæуын. Уый иу. Æмæ æрмæст куыст нæ. Адæ уыди хорз ныййаæг æмæ бинойнаг дæр.
Адæйы телеравдыстытæ иууылдæр сты эксклюзивон. Йæ хъайтыртæй иу бирæтæ уый фæстæ систы йæ хуыздæр хæлæрттæ. Зындгон пластикон хирург Кудзаты Хъазыбег ацы бонты ис Испанийы медицинон семинары. Томайты Адæйы мысæн изæрмæ чи æрæмбырд ис, уыдонимæ йын уыди видеобастдзинад.
Ирыстоны сызгъæрин хъæлæс Тайсаты Олег мысæн изæры азарыд йæ уарзон зарæг.
Уæрæсейы æмæ Цæгат Ирыстоны культурæйы сгуыхт кусæг, Уæрæсейы журналистты Цæдисы уæнг, Ирыстоны адæмон поэт Томайты Адæ йæ рæстæджы уыди телеуынынадæн бындур чи сæвæрдта, уыдоны фыццæгтæй. Бирæ журналисттæн ссисфæлдыстадмæ фæндагамонæг.
Томайты Адæйы чызг Кцойты Дзерассæ равзæрста йæ зындгонд мады дæсныйад. Журналсит, блоггер, аивдзырды ахуыргæнæг. Йæ фыртмæ та разынди йæ фыды курдиат. Йæ куыстытæ ныртæккæ ирдæй зынынц горæты аивадон салонты тæрхæджытыл. Адæйы хæлæрттæ нысан кæнынц журналисты тыххæй киноныв сисын. Цалынмæ хъуыды кæнæм, уæдмæ не стъалытæ цæрдзысты не хсæн.
