Ахæм уынаффæ абон рахастой Хицауады æмбырды.
Сывæллæтты фæлладуадзæн æмæ дзæбæхгæнæн бынæтты уавæр бæрæг кæндзæн сæрмагонд кусæг къорд.
Ахæм уынаффæ абон рахастой Хицауады æмбырды. Тускъаты Таймураз дзуаппдæттæг куыстуæтты размæ сæвæрдта хæс – сывæллæтты æдасдзинады мадзæлттæ фæтыхджындæр кæнын.
Æмбырды ма уымæй уæлдай ныхас цыди медицинон фæдзæхстады, арæзтады, хъæууон хæдзарады къабазы паддзахадон программæтæ царды уадзыны фарстатыл.
Фæндæгты хæдзарады комитеты разамонæг дзуапп радта 9 мæйы куысты хатдзæгты тыххæй. Хæрзхъæддзинады домæнтæн дзуапп чи нæ дæтты, ахæм фæндæгты нымæц фæкъаддæр 2 хатты. Бæрнон кусджытæ æрдзырдтой подрядон организациты лыггæнинаг фарстатыл дæр. Тускъаты Таймураз карзæй бадомдта, цæмæй ацы къабазы куыст снывыл кæной.
