Æргом ныхасы загъд уыд 66 мыггаджы кæй фæнды сæ фыдæлты мæсгуытæ, дзæппазтæ æмæ кувæндæттæ сног кæнын æмæ уыцы курдиатимæ æрбацыдысты сæ кусæнуатмæ.
Республикæйы культурон бынтæ бахъахъхъæнын æмæ сæ спайда кæныны комитеты сæрдар Æгайты Эмилия фембæлд журналисттимæ.
Æргом ныхасы загъд уыд 66 мыггаджы кæй фæнды сæ фыдæлты мæсгуытæ, дзæппазтæ æмæ кувæндæттæ сног кæнын æмæ уыцы курдиатимæ æрбацыдысты сæ кусæнуатмæ. Уимæ республикæйы сæргълæууæ Битарты Вячеслав зæрдæ æвæрæ куыстытæн сæ 10 % сæхгæндзысты регионалон бюджетæй. Æдæппæтæй нæ республикæйы ис 409 культурон объекты. Уыдонæй 203 йæн ис регионалон, 206-æн та федералон нысаниуæг. Æрмæст Сабырдзинады проспекты сты 3 – Тугъанты Махарбеджы музей, кинотеатртæ «Комсомолец» æмæ «Родина». Уимæ кæд «Родина»-йы ныронг райдытой цалцæггæнæн куыстытæ, уæд иннæ кинотеатр æнхъæлмæ кæсы инвестормæ. Æгайты Эмилия куыд фæбæрæг кодта, афтæмæй уымæн бахъæудзæн 200 милуанæй фылдæр, фæлæ йæ кусæнгæрзтæй куы сифтонг кæной, уæд та миллиардмæ хæстæг. Ныхас ма цыд Сабырдзинады проспекты абоны уавæрыл. Ам бирæ аразгæ у хæдзæртты æмæ бæстыхæйтты хицæуттæй. Хауы историон хаймæ, уымæ гæсгæ ам хивæндæй нæй ног арæзтадон куыстытæ кæнын.
