07 октября 2019, 17:05
Быдырон цæлгæнæн, æфсæддон оркестр, хæцæнгарзы равдыст
Дзæуджыхъæуы арæзт æрцыд Уæрæсейы национ гвардийы æрвылазон акци «Æдас горæт».
Быдырон цæлгæнæн, æфсæддон оркестр, хæцæнгарзы равдыст.
Дзæуджыхъæуы арæзт æрцыд Уæрæсейы национ гвардийы æрвылазон акци «Æдас горæт». Федералон службæйы территориалон оргæны управленимæ йæ бон æрбацæуын уыди, кæй фæндыди, уыдонæн се ппæтæн дæр. Уазджыты хсæн уыдысты Цæгат Кавказы Суворовон æфсæддон училищæйы курсанттæ æмæ скъоладзаутæ. Сæрмагонд фæзы равæрдтой æфсæддон техникæйы дæнцæгтæ. Медицинæйы службæйы офицертæ равдыстой, фыццаг æххуыс бакæнын куыд хъæуы, уый. Уæрæсейы национ гвардийы кусджытæ радзырдтой, æнæнхъæлæджы цауты рæстæг хи дарыны æгъдæутты тыххæй. Кæронбæттæны та уазджытæн сæ зæрдæтæ барухс кодта æфсæддон оркестр.
