Уый ссыди Дзæуджыхъæумæ æмæ архайдта сæ ведомствойы координацион советы æмбырды.
Битарты Вячеславæн кусæг фембæлд уыд Уæрæсейы юстицийы министры хæдивæг Али Алхановимæ.
Уый ссыди Дзæуджыхъæумæ æмæ архайдта сæ ведомствойы координацион советы æмбырды. Али Алханов раарфæ кодта нæ республикæйы сæргълæууæгæн, Цæгат Ирыстоны ахæм стыр мадзал саразыны фадат кæй фæци, уый тыххæй. Бæрнон кусæг куыд загъта, афтæмæй æмбырды хатдзæгтæм гæсгæ къабазы куыст фæахадгæдæр уыдзæн. Ома, ведомствойы бæрны чи ис, уыцы куыстуæтты парахат кæндзысты информацион системæтæ, уыимæ ма фæхуыздæр уыдзæн, адæмæн цы лæггæдтæ кæнынц, уыдоны хæрзхъæддзинад дæр. Битарты Вячеслав куыд загъта, афтæмæй, цæмæй хуыздæр социалон-экономикон бæрæггæнæнтæ къухы фта, уый тыххæй хъæуы хицаудзинады федералон оргæнтимæ æнгомдæр æмархайд кæнын.
