Ахæм хæс министрты æмæ районты сæргълæуджыты цур хицауды æмбырды сæвæрдта Тускъаты Таймураз.
Республикæйы социалон къабазы ведомствæты куыст æмæ хъалонтæ фидыны уавæр фæхуыздæр кæнын.
Ахæм хæс министрты æмæ районты сæргълæуджыты цур хицауды æмбырды сæвæрдта Тускъаты Таймураз. Фæстаг аз республикæйæн бынæттон хæс бантыст дзæвгар фæкъаддæр кæнын, дотацитæй хæдбардзинад, стæй 50 проценты та бюджетмæ хъаллонты цыд фæфылдæр кæнын. Ахæм бæрæггæнæнтæм æрцæуын республикæйæн æртæ азмæ фыццаг хатт бантыст. Фæлæ хицауады сæрдар Тускъаты Таймуразы ныхæстæм гæсгæ, уыцы бæрæггæнæтæ дæр фаг не сты фидæны экономикон райрæзтæн. Æмбырды ма ныхас цыд цæрæнуæтты–коммуналон хæдзарады къабазыл. Дзырдтой дондзæуæн системæйы рацарæзтыл, бирæуæладзыгон хæдзæртты бындурон цалцæгыл æмæ коммуналон хауæддзæгтимæ куыстыл. Фарстайыл ацы аз цы архайд цæуы, уый тыххæй цæрæнуæтты-коммуналон хæдзарады министр Таматы Майрæнæн радзырдта регионалон оператор. Йæ ныхæстæм гæсгæ организацийы куыстæн хатдзæгтæ кæнынæн нырма раджы у. Тускъаты Таймураз та бабар кодта, цæмæй каст æрцæуа, Эко-Альянс æмæ республикæимæ бадзырд куыд æххæстгонд цæуы, уымæ.
