Ныхас дзы цыди Национ проектты райрæзтыл. Бæстонæй æрдзырдтой æнæниздзинадхъахъхъæнынады æмæ демографийы проекттыл.
Республикæйы Сæргълæууæг Битарты Вячеслав æмæ Хицауады уæнгтæ архайдтой УФ-йы Президенты цур Советы президиумы æмбырды.
Ныхас дзы цыди Национ проектты райрæзтыл. Бæстонæй æрдзырдтой æнæниздзинадхъахъхъæнынады æмæ демографийы проекттыл. Æмбырд цыди видеоконференцийы хуызы. УФ-йы Хицауады сæрдар Дмитрий Медведев зæрдыл æрлæууын кодта, национ проекттæ адæмы социалон уавæр фæхуыздæр кæнынæн ахсджиаг кæй сты, уый. Ам сæйрагдæр у сывæллæтты рæвдауæндæтты æмæ хæрзхъæд медицинон лæггæдтæ исыны фарста. Ацы хъуыддæгтæ царды рауадзынæн бюджетмæ гыццыл фæрæзтæ хаст не рцыди — 65 миллиард сомы, загъта премьер. Æнæниздзинадхъахъхъæнынады æмæ демографийы проекттæ Цæгат Ирыстоны æнтыстджынæй æххæст кæнын райдыдтой ацы аз. Сæ фæлгæты республикæйы арæзт цæуынц ахуырады уæлæмхасæн бæстыхæйттæ æмæ ног медицинон объекттæ.
