15 октября 2019, 17:00
Республикон клиникон рынчындоны кусын райдыдта ног хъармдæттæн электростанцæ
Байгом æй кодтой кадджын уавæры, æмæ дзы архайдта республикæйы хицауады сæрдары хæдивæг Фадзайты Æхсарбег.
Республикон клиникон рынчындоны кусын райдыдта ног хъармдæттæн электростанцæ. Байгом æй кодтой кадджын уавæры, æмæ дзы архайдта республикæйы хицауады сæрдары хæдивæг Фадзайты Æхсарбег.
Ног кусæнгæрзтæ хъармæй æмæ электрон тыхæй сифтонг кæндзысты 9 медицинон куыстуаты. Ныртæккæ уал станцæмæ баиу кодтой республикæйы æнæниздзинадхъахъхъæнынады 4 куыстуаты. Уый фадат ратдзæни электрон тыхы лæггæдты аргъ дыууæ хатты фæкъаддæр кæнынæн. Уымæй уæлдай, артаджы хуызы пайдагонд цæуы æрдзон газæй. Проект æххæстгонд æрцыди цæрæнуæтты-коммуналон хæдзарады министрады, артаг æмæ энергетикæйы министрады хъæппæрисæй.
темæмæ гæсгæ
