филиал вгтрк государственная телерадиовещательная компания “Алания”

Абон у дзулы æппæтдунеон бон.

Дзул у сæйрагдæр хойраг. Ныртæккæ йæ кæнынц хоры ссады алы хуызтæй. Уыдон пайда сты туджы, зæрдæйы æмæ тугдадзинты низтæ дзæбæх кæнынæн. Цæгат Ирыстоны та æрхъуыды кодтой, туджы сæкæры бæрц къаддæр чи кæны, ахæм дзул. Сарæзтой йæ Дзæуджыхъæуы паддзахадон базарадон –экономикон техникумы иртæстыты лабораторийы специалисттæ. Уникалон продуктæн радтой ном «умный хлеб». Конд у мæнæуы хуыз – полба-йæ. Иртæстыты фæрцы йын раргом кодтой йæ ахадындзинад адæймаджы æнæниздзинадыл. Уæвгæ Ирыстоны дзулфыцæн куыстуæттæ тынг зæрдиагæй кусынц æрвылбон Ирыстоны цæрджытæм хæрзхъæд æмæ хæрзад дзул хæццæ кæныныл.