Цæгат Ирыстон суыдзæн Уæрæсейы Федерацийы 27-æм регион, æмæ Цæгат Кавказы фыццаг. Ома, клиникæ «Мать и дитя» кусын кæм райдайдзæн, ахæм
Цæгат Ирыстон суыдзæн Уæрæсейы Федерацийы 27-æм регион, æмæ Цæгат Кавказы фыццаг. Ома, клиникæ «Мать и дитя» кусын кæм райдайдзæн, ахæм. Уый сбæрæг, компанийы генералон директор Марк Курцер æмæнæ республикæйы сæргълæууæг Битарты Вячеславы кусæг фембæлды рæстæг. Марк Курцер куыд загъта, афтæмæй сæ фыццаградон хъуыдымæ гæсгæ Ирыстоны фæнд кæнынц саразын ЭКО клиникæ. Уæвæрмæ кæсгæйæ ма фидæны фæнд кæнынц хи медицинон лæггæдты госпиталь сылгоймæгтæн æмæ сывæллæттæн саразын. Уымæй уæлдай цæгатирыстойнаг филиал фæуæрæхдæр кæндзæн Хуссар Ирыстоны цæрджыты гæнæнтæ. Компаниты къорд «Мать и дитя» у Уæрæсейы хи медицинон лæггæдты базарады зынгæ архайæг. Компани Уæрæсейы æппæт регионты дæр адæмæн аразы æппæт нырыккон гæнæнтæ, бинонты сывæллон фæзынынæн. Ныртæккæ компаниты къорд «Мать и дитя»-мæ хауы 6 тæккæ нырыккондæр госпиталы æмæ 40 клиникæйы. Ис ын иттæг хорз диагностикон æмæ терапевтон гæнæнтæ.
