Уый размæ Цæгат Ирыстоны сæргълæууæгимæ фембæлды рæстæг Мæздæджы районы цæрджытæ рахъаст кодтой бастдзинады хæрзхъæддзинадæй
Нымæцон технологитæ Мæздæджы. Районы бастдзинады объекттæ кусæг балцы рæстæг федтой республикæйы бæрнон кусджытæ. Уый размæ Цæгат Ирыстоны сæргълæууæгимæ фембæлды рæстæг Мæздæджы районы цæрджытæ рахъаст кодтой бастдзинады хæрзхъæддзинадæй. Зæгъгæ, иуæй-иу хъæуты Интеренет уæвгæ дæр нæй. Уæд бæлвырд амынддзинæдты фæстæ фарстайыл бакуыстой, æмæ ис æнтыстдзинæдтæ. Цавæртæ, уый тыххæй радзурдзæн Моргуаты Ладæ.
Мæздæджы районы 21 хъæуы «Ростелеком» кæндзæн бастдзинады лæггад, уыдонæй 4 сты оптикон технологон. 2017-æм азæй арæзт æрцыд оптикæ æмæ йæ фæрцы хæдзæртты 53% æххстгонд æрцыдысты бастдзинадæй. Раззагдæрты хсæн Луковскæйы станицæ. Ам делегаци бабæрæг кодта бастдзинады пункт. Технологитæй абон дæр пайда кæнынц цæрджытæ, æмæ сæм интернет æнæкъуыхцытæй кæй кусы, уый тыххæй загътой бузныг.
Делегаци ма бабæрæг кодта Мегафоны объекттæ дæр. Йæ фæрцы 50 мин адæймагæн фадат ис интернеты хызтæй парахатæй пайда кæнынæн, уыимæ онлайн паддзахадон лæггæдтæй пайда кæнын. Бастдзинад кæй фæхуыздæр, уымæй разы сты трасса «Кавказыл» цæуæг бæлцæттæ дæр. Фæндаджы уаццаг Хурыхъæу – Малгобег- Мæздæджы тагъд скуысдзæн 4G.
Сæ балцы кæронбæттæн делегацийы уæнгтæ бабæрæг кодтой «Яндекс-Лицей»-йы ахуырдзауты. Алы æвзарæн къæпхæнты ацæугæйæ йæ ахуырдзаутæ систы 7 адæймаджы. Ахуыр кæндзысты интернеты æххуысæй. Ахæм хуызы ахуырад æвзæрст æрцыд, цæмæй дæрддзæф хъæуты цæрæг курдиатджын фæсивæдæн сæ бон уа сæрмагонд ахуырад райсын.
