Сæрибардзинады проспекты сарæзтой демонстраци. Архайдтой дзы мин адæймаджы.
Абон Октябры революцийыл сæххæст 102 азы.1991-æм азмæ 7-æм ноябрь уыд паддазахдон бæрæгбон. Фæллойгæнæг адæм æй бæрæг кодтой парад æмæ демонстрацитæй. Советон Цæдис кæдæй нал ис, уæдæй бæрæгбон дæр йæ нысаниуæг фесæфта. Райдыдтой йæ хонын «разыйы æмæ æмбарыны бон», уый фæстæ та йæ бынтондæр аивтой. Абон Октябры сæдæ дыууæ азы боны кадæн Сæрибардзинады проспекты сарæзтой демонстраци. Архайдтой дзы мин адæймаджы. Уыдон ацыдысты Сæрибары фæзæй Ленины фæзмæ. Уымæй уæлдай сарæзтой бæрæгбоны концерт, стæй схорзæхджын кодтой Уæрæсейы Федерацийы Коммунистон Партийы активистты. Уый тыххæй абон Дзæджыхъæуы, райсомы аст сахатæй фæстæмæ Сæрибардзинады проспектмæ ввахс уынгты сæхгæдтой машинæты змæлд. Ацæуæн уыдис Ленины æмæ Кировы уынгтыл. Паддазахдон автоинспекци адæммæ сиды, цæмæй уавæр æмбарой æмæ агурой æндæр фæндæгтæ.
