Цæгат Ирыстонæй дзы архайыны бар æрхауд Мæздæджы районы мидхъуыддæгты хайады кусæг Джелыты Радикмæ
Ацы къуыри рауагъдад «Комсомольская правда»-йы онлайн фæзы æппæт бæстæйы цæрджытæ æвзарынц участоктыл кусæг хуыздæр пъæлицæйаджы. Цæгат Ирыстонæй дзы архайыны бар æрхауд Мæздæджы районы мидхъуыддæгты хайады кусæг Джелыты Радикмæ. Æрвылбон йæ райсом райдайы, йæ бæрны цы административон хай ис, ууыл æрзилгæйæ. Хорз æй зонынц Мæздæджы районы Раздольнæйы хъæуы цæрджытæ. Радикæн йæ фыд, йæ фыды æфсымæр æмæ йæхи æфсымæр дæр æнæзæрдæхудт фæллой фæкодтой мидхъуыддæгты оргæнты. Участокыл кусæг пъæлицæйагæн йæ бæрны цы хай ис, уым цы адæм цæры, уыдонимæ иумæйаг æвзаг ссарын ахсджиаг хъуыддаг у. Онлайн фæзы схъæлæс кæнæн ис мидхъуыддæгты оргæнты кусæджы бон 10-æм ноябры. Алкæмæн дæр йæ бон у бацæуын «Комсомольская правда»-йы сайтмæ æмæ схъæлæс кæнын Цæгат Ирыстоны минæварыл.
