Кадджын мадзал сарæзтой мидхъуыддæгты оргæнты кусæджы боны кадæн
Тæбæхсæуты Балойы номыл Ирон академион театры кадджын уавæры схорзæхджын кодтой республикæйы мидхъуыддæгты министрады хуыздæр кусджыты. Кадджын мадзал сарæзтой мидхъуыддæгты оргæнты кусæджы боны кадæн. Пъæлицæйæгты схорзæхджын кодтой майдантæй, ордентæй, риуылдаргæ нысантæй æмæ кады гæххæттытæй. Сæ профессионалон бæрæгбоны фæдыл ведомствойы кусджытæн раарфæ кодта республикæйы разамонæг Битарты Вячеслав: «Пъæлицæйы куыст се нцонтæй нæу. Домы дæсныдзинад, граждайнаг бæрнондзинад, сæрæндзинад. Уыдонæй уæлдай ма хъуамæ пъæлицæйагмæ хæццæ кæной хæлардзинад æмæ уды рæсугъддзинад. Уыцы миниуджытæй æххæст сты нæ республикæйы мидхъуыддæгты министрады кусджытæ. Уыдон кæдфæндыдæр цæттæ сы сæ профессионалон хæс сæххæст кæнынмæ, адæмы фыдракæндæй бахизынмæ, фыдбылыз ма руадзынмæ, адæймагæн йæ зын сахат йæ разы æрбалæууынмæ. Ахæм пъæлицæйæгтæй сæрыстыр у Ирыстон. Ахæмтыл æууæндæм нæ цард æмæ æдасдзинад» – загъта республикæйы сæргълæууæг.
