Сæвзæрд бирæ фарстатæ.
17 азы размæ Садоны æмæ Галоны цы донивылд уыди, уый фæстиуджытæ ныр дæр ма бæрæг дарынц. Сæвзæрд бирæ фарстатæ. Зæгъæм, уæлмæрдтæ цы ран уыдысты, уымæн йæ иу фахс дон ахаста. Иннæ хай дæр уыд тæссаг уавæры. Цавæр куыст бакодтой, æмæ ма цы бакæнын хъæуы, уый тыххæй радзурдзæн Фидараты Маринæ.
Икъаты Батраз ныр дæр хорз хъуыды кæны, 2002-æм азы æхсæвы чысыл цæугæдон Садон куыд раивылди, æмæ дзы стыр æрдзон фыдбылыз куыд æрцыд, уый. Абухгæ дон ахаста, йæ размæ цы хæдзæрттæ уыди, уыдон. Кæддæр цард цæдджинагау кæм фыхты, уыцы поселоктæй, зæгъæн ис, æмæ ницыуал баззад. Уæлмæрдтæ кæм уыдысты, уыцы къæдзæхы иу хай фехæлд.
Уæлмæрдтæй ма цы баззад, уый дæр ныртæккæ фехæлыны вонг у. Уарынты рæстæг та уæлдай тæссагдæр у. Цæрджытæ æххуысагур бацыдысты республикæйы сæргълæууæгмæ. Фарстамæ æркæсын бабар кодтой экологи æмæ æрдзон æвæрæнты министрадмæ. Æрдзон фыдбылызы фæстæ специалисттæ ныссыгъдæг кодтой Садоны цæугæдоны донвæд. Ныртæккæ адæм курынц, цæмæй къæдзæхы фахс бафидар кæной, цæмæй дарддæр ма хæла, уый тыххæй.
