Республикæйы фæндæгты хæдзарады комитеты курдиатмæ гæсгæ куыст æрцыд автомобилон трассæ Дзæуджыхъæу – Арыдон – Цыкола – Лескен-2- йы, Æрхонкæйы уылты цæуæг фæндаджы уаццæгыл
Цæгат Ирыстоны кæронмæ фæхæццæ кæнынц горæты æмæ республикæйы фæндæгтыл цалцæггæнæн куыстытæ. 2019-æм азы Национ проект «Æдас æмæ хæрзхъæд фæндæгтæ» æххæст кæнгæйæ, регионалон проект «Дорожная сеть» -æн фæрæзтæ радих кодтой Федералон æмæ республикон бюджеттæй.Сæ фæрцы сцалцæг кодтой Дзæуджыхъæуы 33 км. 6 километрæй фылдæр та сты Цæгат Ирыстоны муниципалон фæндæгтæ. Республикæйы фæндæгты хæдзарады комитеты курдиатмæ гæсгæ куыст æрцыд автомобилон трассæ Дзæуджыхъæу – Арыдон – Цыкола – Лескен-2- йы, Æрхонкæйы уылты цæуæг фæндаджы уаццæгыл. Кæронбæттæн куыстытæ бакодтой – сбæрæг кодтой сæрмагонд хæххытæ, уыдоны фæрцы шофыртæн суткæйы алы афон дæр æнцондæр уыдзæн фæндаггон змæлды уагæвæрдтæ æххæст кæнын. Æппæт куыстыты фæрцы фæндаг сси нырыккондæр æмæ æдасдæр. Фæндæгтæ цы национ проекттæм гæсгæ арæзт æрцыдысты, уыдон кусдзысты 2024-æм азмæ. Сæ фæрцы регионалон æмвæзады фæндæгты 53 проценты æмæ Дзуджыхъæуы уынгты 85 проценты хъуамæ бантыса сцалцæг кæнын.
