Ахæм уынаффæ хаст æрцыди, Сæрибары фæзы цалцæггæнæн куыстытæ кæй цæуы, уый тыххæй
Республикæйы сæйраг заз бæласæн уыдзæни ног бынат. Ацы аз Ног азы символ адæмыл сæмбæлдзæн Ленины фæзы. Ахæм уынаффæ хаст æрцыди, Сæрибары фæзы цалцæггæнæн куыстытæ кæй цæуы, уый тыххæй. Бæрæгбоны фидауц ныридæгæн аив кæнынц алыхуызæн хъазæнтæй. Заз бæлас горæты цæрджытæ æмæ уазджытæн йæ цырæгътæ ссуддзæн ацы сабаты. Уымæй уæлдай, Ног азы фидауц æвæрд æрцыд горæты Морских Пехотинцевы уынджы æмæ Хæлардзинады фæзы. Дзæуджыхъæуы администрацийы культурæйы управлени бацæттæ кодта бирæ рæсугъд æмæ хъæлдзæг мадзæлттæ. Горæты кусдзысты цалдæр ирхæфсæн фæзы.
Январы кæронмæ Дзæуджыхъæуы цæудзæни Ног азы трамвай. Кæй фæнды, уыдонæн се ппæтæн дæр фадат уыдзæни сæ уарзон кинонывтæм бакæсынæн. Республикæ бæрæгбонмæ цæттæ кæныны хъуыддагмæ се вæрæн хæссынц меценаттæ дæр. Хицæн ирхæфсæн фæзтæн дзуапп дæтдзысты спонсортæ. Бынæттон амалхъом адæм саив кæндзысты сæ организациты тæрхæджытæ. Ахæм хъæппæрис у зæрдæмæдзæугæ. Горæты администраци традицимæ гæсгæ, расидтис конкурс æппæты рæсугъддæр аивгæнæн куысты тыххæй.
