Уыимæ æнæбафиппайгæ нæу, æргътæ дæр ног азы агъоммæ кæй сырæзынц, уый
Ног азыл куыд сæмбæлдзынæ, афтæ йæ арвитдзынæ, фæзæгъынц. Уымæ гæсгæ нæ бæстæйы цæрджытæ фæархайынц бæрæгбон парахатæй сбæрæг кæныныл. Алы хæдзары фынгтыл вæййынц, куыд традицион хæринæгтæ, афтæ арæх чи нæ вæййы, уыдон дæр. Уыимæ æнæбафиппайгæ нæу, æргътæ дæр ног азы агъоммæ кæй сырæзынц, уый. Куыд у уавæр ацы аз та, уый тыххæй радзурдзæн Касаты Наирæ.
Ног аз – алы бинонты æппæтæй уарзондæр бæрæгбон. Алчидæр фæархайы дзандджын фынгтæ æрæвæрыныл, æмæ бæрæгбоныл дзаг армæй сæмбæлыныл. Ног азы агъоммæ, куыд бæстæйы алы рæтты, афтæ Цæгат Ирыстоны дæр райдайы продукттæ æлхæнын.
Афæдзы ацы рæстæг, кæй зæгъын æй хъæуы, схизынц æмæ цæхгæр аивынц продуктты æргътæ дæр. Æйчытæ, халсартæ, нуæзтытæ, кæсаг, денджызон, адзайы æмæ къалбасы продукттæ, стæй адджинæгтæ зынгæ фæзынаргъдæр вæййынц.
Куыд æрвылаз, афтæ ныр дæр, æргътæ уæлæмæ хизын райдайынц, зæгъæн ис æмæ ноябры кæрон. Куыд фæстæмæ – зынаргъдæр, Ног азмæ ма къуыри куы баззайы, уæд бынтон.
Бирæ фæлхасгæнджытæ бæрæгбæтты размæ базарты æмæ дуканиты æргътæ кæй фæуæлæмæ сты, уый æнкъаргæ дæр нæ бакодтой. Уымæн æмæ дзадзайы аргъ фæзынаргъдæр суанг апрелы.
Фæлæ уæддæр, æппæтæй ахадгæдæр продуктты æргътæ кæй фæзынаргъдæр сты, уый тыххæй фæфылдæр уыдзæни цæттæ проукцийы аргъ дæр. Дуканитыл дзургæйæ, эксперттæ зæгъынц, хъæуы алыхуызон акцитæм цæстдарын.
Ала афæдзы райдиан, Ног азы бæрæгбоны фæстæ æргътæ свæййынц сæ раздæры хуызы. Уалдзæгмæ та ацы хъуыддаг вæййы инфляцийы æмвæзадыл.
