филиал вгтрк государственная телерадиовещательная компания “Алания”

Дзæуджыхъæуы кæй фæуазал, уый, зæгъæн ис, æмæ Митын Дада нæ республикæмæ  кæй схæццæ. Хетæгкаты Къостайы номыл парчы байгом Ног азы лæвæрттæ хæссæджы сæйраг галуан. Митын Дадайæн нæ республикæйы ныр 4-æм хатт байгом кодтой сæрмагонд хæдзар. Ардæм цæуынц сабитæ, æмæ ма хистæртæ дæр. Æууæндынц Ног азы царциаты диссæгтыл. Сывæллæттæ ам аив кæсынц æмдзæвгæтæ, кафынц, зарынц, цыбыр ныхасæй чи цæмæ арæхсы, уый кæны. Уый фæстæ та Митын Дадайæ райсынц сæ ног азы лæвар. Уарзон æмæ рæдау дада нæ республикæйы фæуыдзæн январы астæумæ. Уыцы рæстæгмæ та алы бон дæр 11 сахатæй изæры 7 сахатмæ йæ дуæрттæ уыдзысты гом.