Фонд «Быть добру» ахæм хуызы акци аразы 8-æм хатт.
Цыппурсы бæрæгбоны агъоммæ лæвæрттæ скодтой, йе нæниздзинад цудыд кæмæн у, уыцы сывæллæттæн. Фонд «Быть добру» ахæм хуызы акци аразы 8-æм хатт. Цыппурсы бæрæгбоны лæвæрттæ райстой, фарон уæззау низы фæстиуджытимæ тох кæныны мадзæлттæ кæмæн сарæзтой, уыдон. 2019-æм азы уыдысты 121. Æмтгæй райсгæйæ алы акциты æмæ форумты фæрцы фонд баххуыс кодта 10 мин адæймагæн. Уый къухы бафтыд, канд нæ республикæйы нæ, фæлæ ма Уæрæсейы æмæ фæсарæнты цæрæг адæмы фæрцы дæр. 3 мин адæймагæй фылдæр бахастой сæ ххуысы хай. Стыр куыст бакодтой бархионтæ дæр. Акцийы архайджытæн бацæттæ кодтой равдыст æмæ бæрæгбоны фынг, уымæй уæлдай алы сывæллон дæр райста йæ бæрæгбоны лæвар. Ам ма фæнысан кодтой фонды активондæр архайджыты. Рынчынтæн иудадзыг кæй æххуыс кæнынц, уый фæдыл арфæйы ныхас æмæ фонды логотип «Быть добру»-йæ схорзæхджын кодтой социалон фæдзæхстады регионалон хайады сæргълæууæг Айларты Зæлинæйы æмæ æхсæнадон палатæйы сæрдар Нина Чиплаковайы.
