филиал вгтрк государственная телерадиовещательная компания “Алания”

Дзæуджыхъæуы райдыдта тугдæттыны акци. Донор суæвын æмæ стæджы магъзы фæлварæн раттын у алкæйы бон дæр. Акци цæудзæн 5 боны. Мадзал 5-æм хатт аразы хæрзаудæн фонд «Быть добру». Сæ фæрцы, стæджы магъзы донорты сæрмагонд банк кæй хонынц, уый фæфылдæр 481 адæймаджы онг. Тугмæ гæсгæ сбæрæг кæнæн ис, адæймаджы генты сконд. Бæрæггæнæнтæ та æрвыст æрцæуынц стæджы магъзы донорты национ регистрмæ. «Спаси жизнь ребенку с лейкозом», зæгъгæ, акцийы архайдтой 18 азæй 45 азы онг кæуыл цæуы, ахæм адæм. Сæйраг домæн у, цæмæй донор æнæниз уа. Тугдæттыны размæ адæймаг сбæрæг кæны йе нæниздзинады уавæр. Æрвылаз Уæрæсейы 5 мин адæймагмæ рабæрæг кæнынц, лейкоз кæй хонынц, уыцы æвзæр низ.