Уый тыххæй фехъусын кодтой, республикæмæ коронавирусы инфекци ма рбауадзыны профилактикæйы оперативон штабы æмбырды
Уæрæсейы паддзахадон арæнтыл карантины фæдыл санитарон цæстдарæн фæтк, раздæрау, у карз. Уый тыххæй фехъусын кодтой, республикæмæ коронавирусы инфекци ма рбауадзыны профилактикæйы оперативон штабы æмбырды. Арæзт æрцыди республикæйы Сæргълæууæг Битарты Вячеславы разамындæй. Куыд бадомдта, афтæмæй профилактикон мадзæлтты комплекс хъуамæ уа ахадгæ. Фæлхасадмæ цæстдарды управлени æмæ æнæниздзинадхъахъхъæнынады министрад иумæ бакуыстой, республикæмæ инфекци ма æрбауадзыны сæрмагонд пълан. Æмбырды ныхас цыди, æхснырсæгæй рынчынты нымæц ныртæккæ бирæ кæй у, ууыл дæр. Æнæниздзинадхъахъхъæнынады министр Годжысаты Тамерлан куыд загъта, афтæмæй медицинон куыстуæттæ бахъуаджы заман цæттæ сты алцæмæй дæр, се ппæт дæр ифтонг сты сезоны вирусы ныхмæ хостæй æмæ кусæнгæрзтæй.
