Æппæтуæрæсеон адæмон фронты фæсивæдон къордты минæвæрттæ мониторинг кæнынц афтекты куыстæн
Фæстаг рæстæг вирус кæй апарахат, æмæ адæмæй бирæтæ кæй фæрынчын сты, уый аххосæй бирæ афтекты хосты æргътыл уæлæмæ схæцыдысты. Æппæтуæрæсеон адæмон фронты фæсивæдон къордты минæвæрттæ мониторинг кæнынц афтекты куыстæн. Уый фæстæ хатдзæгтæ арвитдзысты центрон штабмæ. Активисттимæ рейдтæй иуы уыди не сфæлдыстадон къорд дæр. Касаты Наирæ радзурдзæн бæлвырддæр.
Æппæтуæрæсеон адæмон фронты фæсивæдон къорд дарддæр мониторинг кæны афтектыл. Фылдæр цæстдард цæуы маскæтæм æмæ вирусты ныхмæ хостæм. Сбæрæг кодтой Дзæуджыхъæуы 8 афтекы куыст. Цалдæры дзы информаци райсын не сфæлдыстадон къордты къухы нæ бафтыди.
Уæвгæ, афтектæ хостæ сæхæдæг цы æргътæй æлхæнынц, уыцы бæрæггæнæнтæ дæттыны хæс сыл нæй. Дзырдæй информаци райсгæйæ, ахæм хатдзæг скæнæн ис, цымæ мах регионы препаратты æргътыл гыццыл йеддæмæ не фтауынц уæйгæнгæйæ. Æргътæ алы афтекы дæр сты алыхуызон. Фæлæ цæхгæр хицæндзинæдтæ ревизортæ нæ раиртæстой. Æппæтуæрæсеон адæмон фронты минæвæрттимæ иумæ хосты æргътæм сæ цæст дарынц æнæниздзинадхъахъхъæнынадмæ цæстдарды управленийы минæвæрттæ.
Ацы бонты нæ бæстæйы президент Владимир Путин бахаста фæндон, маскæты æргътыл бирæ чи фтауы, уыцы афтекты лицензитæ исын. Ног азы хæдразмæ дæр ма иу маскæйы аргъ уыди сом æмæ *рдæг, дыууæ сомы. Ныртæккæ хæццæ кæны туманмæ, æмæ уымæй фылдæр. Фæлæ ис ахæм афтектæ, маскæтæ лæвар чи дæтты адæмæн. Афтектыл рейдтæ ма цæудзысты цалдæр боны. Мониторинджы бæрæггæнæнтæ арвитдзысты æппæтуæрæсеон адæмон фронты центрон штабмæ.
