Ссардтой дзы, 2004-æм азы скъолайы сывæллæтты ирвæзынгæнгæйæ чи фæмард, уыцы сæрмагонд тыхты службæгæнджыты нæмттæ
«Цард кæстæртæн не вгъау кæнгæйæ», ахæм сæргондимæ райгуырæн бæстæйы хъахъхъæнджыты бонмæ «Беслæны мадæлты» комитет сарæзта акци. Ссардтой дзы, 2004-æм азы скъолайы сывæллæтты ирвæзынгæнгæйæ чи фæмард, уыцы сæрмагонд тыхты службæгæнджыты нæмттæ. Мадзал райдыдта минут æдзæмæй алæугæйæ. Ацы бонмæ сæрмагондæй сарæзтой документалон киноыв, скодтой къамты равдыст, сывæллæттæ бакастысты æмдзæвгæтæ. Æрбахуыдтой йæ цард сывæллæтты сæраппонд чи радта, уыдоны хæстæджыты. Ссыдысты Мæскуыйæ æмæ Санкт-Петербургæй. Сæ горæты ныронг арæзт цыдысты ахæм акцитæ. Комитеты уæнгтæ ма фæнд кæнынц, ахæм акцитæ саразын Волгограды, стæй нæ республикæйы районты.
