Уæрæсейы æдасдзинады Советы цæугæ æмбырдмæ ма Дзæуджыхъæумæ ссыдысты Юрий Чайка æмæ федералон зылды регионты сæргълæуджытæ
Цæгат Ирыстонмæ кусæг балцы ссыди Уæрæсейы æдасдзинады Советы секретарь Николай Патрушев. Æппæты фыццаг уал бæрнон кусæг бабæрæг кодта мемориалон комплекс «Зæдты горæт». Æдасдзинады Советы секретарь дидинджытæ сæвæрдта «Хъыджы бæлас»-ы æмæ 2004-æм азы теракты рæстæг чи фæмарди, уыцы сæрмагонд дæлхайæдты службæгæнджыты цыртдзæвæны цур. Уæрæсейы æдасдзинады Советы цæугæ æмбырдмæ ма Дзæуджыхъæумæ ссыдысты Уæрæсейы президенты æххæстбарджын минæвар Цæгат Кавказы федералон зылды Юрий Чайка æмæ федералон зылды регионты сæргълæуджытæ. Разамынд сын дæтты Николай Патрушев. Цæгат Кавказы федералон зылды национ æдасдзинады актуалон фарстаты фæдыл æмбырды æрныхас кодтой коррупцийы ныхмæ тохы профилактикæйыл, стæй транспортон æдасдзинады уæлæмхасæн мадзæлттыл.