ельдшерон-акушерон пункттæн сæ фылдæр райдыдтой аразын
Ацы аз Горæтгæрон районы хъуамæ байгом кæной 6 ног медицинон кусæнуаты. Фельдшерон-акушерон пункттæн сæ фылдæр райдыдтой аразын. Сæ хæрзхъæддзинадмæ та дарддæр цæст дарынц Æппæтуæрæсеон адæмон фронты уæнгтæ. Æрæджы бабæрæг кодтой Куырттаты æмæ Дæргъæвсы медицинон кусæнуæтты арæзтад. Цæмæй баззадысты разыйæ, æмæ сæм цавæр фиппаинæгтæ ис, уый тыххæй радзурдзæн Моргуаты Ладæ.
Рецептмæ гæсгæ хуымæтæг уавæрæй хостæ райсын, афтек арæзт æрцыд проектмæ гæсгæ. Куырттаты фельдшерон-акушерон пункт тагъд рæстæджы байгом уыдзæн. Бæстыхай арæзт æрцыд 4 мæймæ. Раздæр ацы ран уыд кæлæддзаг амбулатори.
Æппæтуæрæсеон адæмон фронты регионалон хайады минвæрттæ сбæрæг кодтой куыстыты хæрзхъæддзинад. Ныртæккæ фельдшерон-акушерон пункт цæуы цалцæг. Ис дзы ногдзинæдтæ, кæд проект хуымæтæг у, уæддæр хицæн кæны йæ дизайнæй. Ис кусджытæн сæрмагонд бæстыхай, стæй кæм цæрой ахæм бынат – дыууæуатон фатер, йæ фæзуат та у 70 квадратон метры.
Дæргъæвсы фельдшерон-акушерон пункт аразын райдыдтой ивгъуыд азы кæрон. Ныртæккæ дзы мидæгæй кæнынц цалцæггæнæн куыстытæ. Кæрты сæвæрдтой къахвæндаг, фæлæ йæ хæрзхъæддзинадыл хъæуы бакусын. Уæвгæ та ацы медицинон кусæнуатмæ бынæттон цæрджытæ рагæй æнхъæлмæ кастысты. Уæлдай тынгдæр та, зæрдæйы низтæ чи дзæбæх кæндзæн, ахæм дохтырмæ. Амбулатори ифтонг уыдзæн æппæт хъæугæ æрмæджытæй.
Ацы амбулаторийы арæзтады хæрзхъæддзинадмæ æппæтуæрæсеон адæмон фронты уæнгтæм бирæ фарстатæ уыд. Нырма æппæт энергоресурстæм ифтонг не сты. Фиппаинæгты фæдыл æхсæнадон минæвæрттæ сæрмагонд гæххæтт бацæттæ кодтой республикæйы æнæниздзинадхъахъхъæнынады министрадмæ, стæй подрядон организацимæ.
Æдæппæтæй Горæтгæрон районы ацы аз байгом кæндзысты 6 ног медицинон кусæнуаты. Сæ фылдæр райдыдтой аразын. Сæ хæрзхъæддзинадмæ та дарддæр цæст дардзысты æхсæнадон Æппæтуæрæсеон адæмон фронты уæнгтæ.
