Уый тыххӕй, Уӕрӕсейы профилон федералон центры минӕвӕрттӕ фембӕлды фехъусын кодта уӕлдӕр ахуыргӕнӕндоны ректор Огъуаты Алан
Цӕгат Ирыстоны паддзахадон университеты байгом кӕндзысты дины ӕмӕ этникон экстремизмы ныхмӕ профилактикӕйы центр. Уый тыххӕй, Уӕрӕсейы профилон федералон центры минӕвӕрттӕ Алексей Черкезов ӕмӕ Егор Якоревимӕ фембӕлды фехъусын кодта уӕлдӕр ахуыргӕнӕндоны ректор Огъуаты Алан. Центры сӕйраг хӕстӕм хаудзӕн: ахуырады къабазы ӕмӕ фӕсивӕды хсӕн экстремизмы профилактикйыл кусын, рухстауӕн, ахуырадон, информацион-аналитикон ӕмӕ культурон хъӕппӕристӕ царды уадзын. Уымӕй дарддӕр саразын хъӕудзӕн экстремизмы профилактикӕимӕ баст программӕтӕ ӕмӕ стратегитӕ, ӕмӕ сӕ архайдзысты царды уадзыныл. Фембӕлды архайджытӕ ма дзырдтой паддзахадон ӕмӕ ӕхсӕнадон организациты ӕмархайдыл. Се ппӕт дӕр хъуамӕ агурой ахадгӕ мадзӕлттӕ, экстремизмы ныхмӕ тох кӕнынӕн.
