Ӕнтыстджынӕй кусынц Ставд-Дурты дӕр
Республикӕйы районты цы программӕтӕ ӕххӕстгонд цӕуынц, уыдонӕй иу у территориалон ӕхсӕнадон хиуынаффйады центртӕ гом кӕнын. Ӕнтыстджынӕй кусынц Ставд-Дурты дӕр. Архайынц дзы активон ӕмӕ хъӕппӕрисджын адӕм. Уӕвгӕ та дзы архайыны бар ис, кӕй фӕнды, уыдонӕн. Цы куыст кӕнынц, ӕмӕ сӕ размӕ цы хӕстӕ ӕвӕрынц, уый тыххӕй бӕстон радзурдзӕн Касаты Наирӕ.
«Ӕрӕф» ӕмӕ «Лазурный». Афтӕ схуыдтой ӕрӕджы цы территориалон ӕхсӕнадон бынӕттон хиуынаффӕйадтӕ байгом кодтой, уыдоны. Центртӕн бындур ӕвӕрд ӕрцыди бынӕттон администрациты ӕххуысӕн. Боны фӕткы Персаты Арнеллӕйӕн баххуыс кӕныны концермӕ цӕттӕ бацӕттӕ кӕнын.
Дыууӕ организацийы дих кӕнынц разамындӕттӕг фӕзтӕ. Ставд-Дурты сӕргълӕууӕг зӕгъы, кӕд закъонмӕ гӕсгӕ, ахӕм формӕ ис, уӕд дзы спайда кӕнын дӕр хъӕуы. Хорз дӕнцӕг – Комсомольскӕйы хъӕуы.
Ахӕм мадзӕлттӕм сӕ тыхтӕ сӕвӕрдтой территориалон ӕхсӕнадон хиуынаффӕйадтӕ дӕр. Суанты Розӕ у ахуыргӕнӕг. Хъӕуы разамонӕгы фӕндоныл сразы ис зӕрдиагӕй. Центрон уынджы асфальт скӕныны фӕстӕ ма базылдысты къахвӕндӕгтӕм дӕр. Ныр та аллейӕйы ныссадзыны фӕнд кӕнынц балбӕлӕстӕ. уӕвгӕ хъӕу саив кӕныны тыххӕй ам ис ӕндӕр фӕндтӕ ӕмӕ нысантӕ дӕр.
Зӕгъын хъӕуы уый, ӕмӕ уал центртӕ нырма кусынц сӕхи хъарутӕй. Традицимӕ гӕсгӕ, ардӕм хуынд цӕуынц активонтӕ ӕмӕ хъӕппӕрисджынтӕ. Фӕлӕ дзы архайын сӕ бон у кӕй фӕнды, уыдонӕн сеппӕтӕн дӕр.
