Се ппӕт дӕр бакастысты Цӕлыккаты Вадимы докмуенталон киноныв «Алибек»-мӕ
Бельгийаг горӕт Кортрейкы арӕзт ӕрцыд, Цӕгат Ирыстоны аивӕдты сгуыхт архайӕг, Уӕрӕсейы кинематографистты Цӕдисы уӕнг, ӕппӕтадӕмон кинофестивальты лауреат, режиссер Цӕлыккаты Вадимимӕ фембӕлд. Йӕ саразыныл бакуыстой Теркаг хъазахъхъӕгты ӕфсӕдты Алайнаг республикон зылды старшина Роман Алиев ӕмӕ Кортрейкы чырыстон аргъуаны уырыссаг хайы минӕвӕрттӕ. Сӕ ныхасмӕ ӕрбахуыдтой Турчы ирон ӕхсӕнады уӕнгты, дзыллон информацион фӕрӕзты, стӕй Францийы, Германийы ӕмӕ Бельгийы цӕрӕг ирӕтты. Се ппӕт дӕр бакастысты Цӕлыккаты Вадимы докмуенталон киноныв «Алибек»-мӕ. Уый ӕрӕджы сӕйраг приз райста ӕппӕтадӕмон фестиваль «Кунаки»-йы. Цыди Сухумы. Уым ма йын лӕвӕрд ӕрцыд Абхазы президенты администрацийы приз ӕмӕ уӕрӕсейаг кинофестиваль «КрымДок»-ы сӕрмагонд диплом. Ивгъуыд азы кӕрон кинонывы премьерӕ уыд канал «Культурӕ»-йы.
