Битарты Вячеславы номæй хæрзиуæг радта Уæрæсейы журналистты цæдисы цæгатирыстойнаг хайады сæргълæууæг Хъуысаты Тимур
Уæрæсейы сгуыхт ахуыргæнæг, Советон Цæдисы Паддзахадон премийы лауреат, Уæрæсейы журналистты Цæдисы уæнг Биазырты Валентинæ хорзæхгонд æрцыд «Ирыстоны намыс»-ы майданæй. Уый фæдыл уагæвæрд бафыста республикæйы сæргълæууæг Битарты Вячеслав. Йæ номæй хæрзиуæг радта Уæрæсейы журналистты цæдисы цæгатирыстойнаг хайады сæргълæууæг Хъуысаты Тимур. Аив дзырды дæсны, публицист, бæстæзонæг, поэт æмæ æхсæнадон архайæг 40 азæй фылдæр радта скъолайæн. Йæ ахуырдзаутæй бирæтæ сты цардархайды алы къæбæзты дæсны кусджытæ, се хсæн журналисттæ, дохтыртæ, культурæ æмæ ахуырады къабазы архайджытæ. Биазырты Валентинæ у сæдæгай уацы автор, мыхургонд ын уыдысты куыд регионалон, афтæ федералон газетты. Рауагъта ма 20 чиныджы. Йе мдзæвгæты фæстаг æмбырдгонды «Спасибо вам от имени живущих» нывонд у Фыдыбæстæйы Стыр хæсты Уæлахизы 75 азы кадæн.
