Абоны онг дзы ис 120 волонтеры
Æппæтуæрæсеон адæмон фронты фæсивæдон къорды уæнгты хъæппæрисæй арæзт æрцыди сæрмагонд штаб. Абоны онг дзы ис 120 волонтеры. Сæ сæйраг нысан у, фæкæсынхъуаг æмæ ацæргæ адæмæн æххуыс кæнын. Ацы категорийы адæмæн сæ бон у центрмæ курдиат бахæссын æмæ йын фæсивæд бакæндзысты æмбæлгæ æххуыс. Штаб ис медицинон академийы. Йæ куыст райдыдта æнтыстджынæй. Ацы фæлладуадзæн бонты дæр баххуыс кодтой цалдæр адæймагæн. Æппæтуæрæсеон адæмон фронты фæсивæдон къорд æмæ дохтырыл чи ахуыр кæны, уыцы волонтертæ фæкæсынхъуаг адæмæн бахастой продукттæ, баххуыс сын кодтой хæдзары куыстытæй дæр. 85 аздзыд Валентинæ Манафова баззади иунæгæй, йæ цардæмбал æмæ йæ дыууæ фырты фæмард сты. Ацæргæ сылгоймагæн иунæгæй у зын, æмæ йæ ныхæстæм гæсгæ, ахæм æххуысыл бацин кодта зæрдиагæй.