Уый тыххæй, æххæстгæнæг хицаудзинады æмæ бынæттон хиуынаффæйады оргæнты минæвæрттимæ оперативон æмбырды фехъусын кодта Битарты Вячеслав
Хицауады фыццаградон хæс у – адæмы, куыд гæнæн ис, афтæ сæдас кæнын. Ам ахсджиаг у цæрджытимæ æмбарынгæнæн ныхас кæнын. Санитарон домæнтæ æххæст кæнын хъæуы карзæй. Уый тыххæй, æххæстгæнæг хицаудзинады æмæ бынæттон хиуынаффæйады оргæнты минæвæрттимæ оперативон æмбырды фехъусын кодта республикæйы сæргълæууæг Битарты Вячеслав.
Оперативон штабы бæрæггæнтæ хынцгæйæ, республикæйы Сæргълæууæг загъта, Цæгат Ирыстон ис, коронавирус кæм нæй, уыцы регионты хыгъды. Фæлæ уый ууыл дзурæг нæу, æмæ хъуыддагмæ куыд фæндыйы цæстæй кæсын хъæуы. Битарты Вячеслав куыд бадомдта, афтæмæй карзæй æххæст кæнын хъæуы, фæлхасадмæ цæстдарды Управлени цы санитарон домæнтæ снысан кодта, уыдон. Уæлдайдæр та базарадон бынæтты. Фæткмæ гæсгæ сæ хъæуы дезинфекци кæнын. Ахæм фæтк хъуамæ уа, сæ архайд чи нæ баурæдта, уыцы куыстуæтты се ппæты дæр.
Уымæй уæлдай, патрулон службæйы кусджытæн бахæс кодтой адæмимæ профилактикон куыст кæнын. Ацы хъуыддагæй сæхи нæ аиуварс кодтой волонтертæ. Æдасдзинады мадзæлтты ахсджиаг бынат ахсы бирæфатерон хæдзæртты бацæуæнты дезинфекци дæр. Спъиртуадзæн куыстуæтты разамонджытæ цæттæ сты хомаг радих кæнынмæ. Æмбырды куыд фехъусын кодтой, афтæмæй социалон службæтæ хъуамæ фылдæр æргом здахой хистæр кары адæммæ. Афоныл сæ ифтонг кæнын хъæуы продукттæй æмæ хостæй.
